ءۇشىنشى مەگاپوليستە مەرەكەلىك جيىن ءوتتى. قالالىق ىشكى ساياسات جانە جاستار ىستەرى جونىندەگى باسقارما ۇيىتقى بولعان سالتاناتتى ءىس-شارا ەل تاۋەلسىزدىگىنىڭ 30 جىلدىعى مەن جەلتوقسان وقيعاسىنىڭ 35 جىلدىعىنا ارنالدى. جاستار ورتالىعىنا 1986 جىلعى جەلتوقسان وقيعاسىنا قاتىسۋشىلار جينالىپ، ازاتتىقتىڭ اق تاڭىن جاققان سول وقيعا تۋرالى دەرەكتى ءفيلمدى تاماشالادى.
– قۇرمەتتى جەلتوقسان وقيعاسىنا قاتىسۋشىلار! بيىل – ەل تاۋەلسىزدىگىنىڭ 30 جىلدىعى، سونداي-اق، ەگەمەندىك جولىمىزداعى ەرەن جاعداي – 1986 جىلعى جەلتوقسان وقيعاسىنا 35 جىل تولىپ وتىر. 30 جىل ىشىندە جاس مەملەكەتىمىز قانشاما جەتىستىككە قول جەتكىزدى. ەكونوميكالىق تۇرعىدان كەمەلدەنگەن، ساياسي ۇستانىمى سارابدال، باسەكەگە قابىلەتتى، وزىندىك باسقارۋ جۇيەسى مەن مادەنيەتى قالىپتاسقان، الەم ەلدەرى ساناساتىن قۋاتتى مەملەكەتكە اينالدى. ەلىمىزدىڭ وسى دارەجەگە جەتۋىنە قوسقان ۇلەستەرىڭىز زور. سىزدەردىڭ سول كەزدە كورسەتكەن باتىلدىقتارىڭىز بۇگىنگى جاس ۇرپاققا ۇلگى. ءبىز جەلتوقسانشىلاردىڭ ەرلىگىن ەشقاشان ۇمىتپايمىز. بارشاڭىزدى تاۋەلسىزدىك كۇنى مەرەكەسىمەن شىن جۇرەكتەن قۇتتىقتايمىن. دەندەرىڭىز ساۋ، وتباسىلارىڭىز امان بولسىن! تاۋەلسىز قازاقستاننىڭ بولاشاعى جارقىن، كەلەشەگى كەمەل بولسىن! – دەدى شىمكەنت قالالىق ىشكى ساياسات جانە جاستار ىستەرى جونىندەگى باسقارماسى باسشىسىنىڭ مىندەتىن اتقارۋشى مۇراتجان شوتانوۆ.
مەرەكەلىك جيىندا جەلتوقسان وقيعاسىنا قاتىسۋشىلار ماراپاتتالدى. ساياسي قۋعىن-سۇرگىن قۇربانى رەتىندە تانىلعان جانە اقتالعان ازاماتتاردىڭ كەۋدەسىنە قر پرەزيدەنتى قاسىم-جومارت توقاەۆتىڭ 2021 جىلعى 2 جەلتوقسانداعى جارلىعىمەن قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان مەرەكەلىك مەدالدار تاعىلدى. ال بىرقاتار ازاماتقا شىمكەنت قالاسى اكىمىنىڭ العىس حاتى تابىستالدى. جيىن سوڭى كونتسەرتتىك باعدارلاماعا ۇلاستى.
نۋرلان بەكتاەۆ
سەرىك قوساەۆ
