قاۋىپسىزدىك جونىندەگى ساراپشى ەندريۋ ميشتا الداعى بەس جىلدا ۇلى دەرجاۆالار اراسىندا قارۋلى قاقتىعىس بولۋى مۇمكىن ەكەندىگىن ايتتى دەپ حابالايدى "ادىرنا" ۇلتتىق پورتالى "The Wall Street Journal" باسىلىمىنا سىلتەمە جاساپ.
شولۋشىنىڭ ايتۋىنشا، اقش پەن قىتاي اراسىنداعى تەكەتىرەس قاۋپى بۇرىنعىدان الدەقايدا جوعارى. بۇل تەكەتىرەس، مىسالى، تايۆانعا يەلىك ەتۋ جونىندەگى ەكى ەل اراسىنداعى داۋعا بايلانىستى قىزۋ كەزەڭگە اينالۋى مۇمكىن، دەلىنگەن ماقالادا.
ميشتا امەريكاندىق ارميانىڭ مۇنداي سوعىس فورماتىنا دايىن ەمەستىگىنە بايلانىستى باسقا دا قۋاتتى مەملەكەتتەر اقش-قا قارسى شىققىسى كەلەدى دەپ سانايدى.
— سونىمەن بىرگە پەنتاگونعا قارۋلى كۇشتەرىن مودەرنيزاتسيالاۋ ءۇشىن شامامەن 15 جىل قاجەت بولادى. سونداي-اق، بۇگىندە باتىس تاياۋ شىعىس پەن سولتۇستىك افريكادان كوشى-قون تولقىنى، كوروناۆيرۋستىق ىندەت جانە "مادەني توڭكەرىس" سالدارىنان قيىن جاعدايدا تۇر، – دەيدى اۆتور.
ماماننىڭ ايتۋىنشا، بۇل فاكتورلاردىڭ بارلىعى اقش-تى ايتارلىقتاي السىرەتىپ جىبەرگەن. بۇل — ۆاشينگتوندى تۇعىردان تۇسىرگىسى كەلەتىن ەلدەرگە زور مۇمكىندىك.
"ادىرنا" ۇلتتىق پورتالى
