«الەم ارۋى» فينالى قاتىسۋشىلار اراسىندا كوۆيد-19 ورشۋىنە بايلانىستى سوڭعى ساتتە كەيىنگە قالدىرىلدى، دەپ حابارلايدى “ادىرنا” ۇلتتىق پورتالى وردا.كز سايتىنا سىلتەمە جاساپ.
17 جەلتوقساندا پۋەرتو-ريكودا ءوتۋى ءتيىس «الەم ارۋى-2021» بايقاۋىنىڭ فينالدىق قاتىسۋشىلارى اراسىندا كوروناۆيرۋس جۇقتىرۋ جاعدايلارىنا بايلانىستى كەيىنگە قالدىرىلدى. بۇل تۋرالى اتالعان بايقاۋدىڭ Facebook جەلىسىندەگى پاراقشاسىندا حابارلاندى.
بايقاۋدى كەيىنگە قالدىرۋ تۋرالى شەشىم ۇيىمداستىرۋشىلار مەن قاتىسۋشىلاردىڭ قوسىمشا پتر تەستىلەۋىنەن كەيىن جاريالاندى. بىرنەشە ادامنان الىنعان سىناق وڭ ناتيجە كورسەتتى.
جۇقتىرعانداردىڭ بارلىعى كارانتينگە جاتقىزىلدى.
اۋىرعان قىزداردىڭ اتى-ءجونى ايتىلمادى.
ۇيىمداستىرۋشىلاردىڭ ايتۋىنشا، فينال الداعى 90 كۇن ىشىندە مىندەتتى تۇردە وتەدى.
“ادىرنا” ۇلتتىق پورتالى
