«Álem arýy» fınaly qatysýshylar arasynda Kovıd-19 órshýine baılanysty sońǵy sátte keıinge qaldyryldy, dep habarlaıdy “Adyrna” ulttyq portaly Orda.kz saıtyna silteme jasap.
17 jeltoqsanda Pýerto-Rıkoda ótýi tıis «Álem arýy-2021» baıqaýynyń fınaldyq qatysýshylary arasynda koronavırýs juqtyrý jaǵdaılaryna baılanysty keıinge qaldyryldy. Bul týraly atalǵan baıqaýdyń Facebook jelisindegi paraqshasynda habarlandy.
Baıqaýdy keıinge qaldyrý týraly sheshim uıymdastyrýshylar men qatysýshylardyń qosymsha PTR testileýinen keıin jarııalandy. Birneshe adamnan alynǵan synaq oń nátıje kórsetti.
Juqtyrǵandardyń barlyǵy karantınge jatqyzyldy.
Aýyrǵan qyzdardyń aty-jóni aıtylmady.
Uıymdastyrýshylardyń aıtýynsha, fınal aldaǵy 90 kún ishinde mindetti túrde ótedi.
“Adyrna” ulttyq portaly
