امەريكالىق استروناۆت مارك توماس ۆاندە حەي قازاقستاندىقتاردى تاۋەلسىزدىك مەرەيتويىمەن قۇتتىقتادى. استروناۆتىڭ قۇتتىقتاۋىن اقش-تىڭ قازاقستانداعى ەلشىلىگى Facebook پاراقشاسىندا جاريالادى، دەپ حابارلايدى “ادىرنا” ۇلتتىق پورتالى Sputnik.kz سايتىنا سىلتەمە جاساپ.
"قازاقستاندىقتاردى تاۋەلسىزدىكتىڭ 30 جىلدىعىمەن قۇتتىقتايمىن! اقش قازاقستاننىڭ تاۋەلسىزدىگىن العاشقىلاردىڭ ءبىرى بولىپ مويىندادى. سودان بەرى ءبىزدىڭ ەلدەرىمىز اراسىندا بارلىق باعىت بويىنشا، اسىرەسە عارىشتى زەرتتەۋدە ىنتىماقتاستىق دامىپ كەلەدى", - دەدى توماس ۆاندە حەي.
ايتا كەتەرى، قازاقستان تاۋەلسىزدىگىن 1991 جىلى 16 جەلتوقساندا جاريالادى. قازاقستاننىڭ تاۋەلسىزدىگىن رەسمي تۇردە ەڭ العاش بولىپ مۇحيتتىڭ ارعى جاعىندا جاتقان اقش مويىندادى، ەكىنشى بولىپ قىتاي، سونان سوڭ ۇلىبريتانيا مويىندادى. ونىڭ ارتىنان موڭعوليا، فرانتسيا، جاپونيا، وڭتۇستىك كورەيا جانە يران يسلام مەملەكەتى مويىندادى.
“ادىرنا” ۇلتتىق پورتالى
