Amerıkalyq astronavt Mark Tomas Vande Heı qazaqstandyqtardy Táýelsizdik mereıtoıymen quttyqtady. Astronavtyń quttyqtaýyn AQSh-tyń Qazaqstandaǵy elshiligi Facebook paraqshasynda jarııalady, dep habarlaıdy “Adyrna” ulttyq portaly Sputnik.kz saıtyna silteme jasap.
"Qazaqstandyqtardy Táýelsizdiktiń 30 jyldyǵymen quttyqtaımyn! AQSh Qazaqstannyń táýelsizdigin alǵashqylardyń biri bolyp moıyndady. Sodan beri bizdiń elderimiz arasynda barlyq baǵyt boıynsha, ásirese ǵaryshty zertteýde yntymaqtastyq damyp keledi", - dedi Tomas Vande Heı.
Aıta keteri, Qazaqstan táýelsizdigin 1991 jyly 16 jeltoqsanda jarııalady. Qazaqstannyń Táýelsizdigin resmı túrde eń alǵash bolyp muhıttyń arǵy jaǵynda jatqan AQSh moıyndady, ekinshi bolyp Qytaı, sonan soń Ulybrıtanııa moıyndady. Onyń artynan Mońǵolııa, Franııa, Japonııa, Ońtústik Koreıa jáne Iran Islam memleketi moıyndady.
“Adyrna” ulttyq portaly
