نۇرسۇلتان نازارباەۆتىڭ اتىنا قازاقستان تاۋەلسىزدىگىنىڭ 30 جىلدىعىنا وراي شەت مەملەكەت باسشىلارىنان قۇتتىقتاۋ جەدەلحاتتارى مەن حاتتار كەلىپ ءتۇستى، - دەپ حابارلايدى "ادىرنا" ۇلتتىق پورتالى Elbasy.kz سايتىنا سىلتەمە جاساپ.
قحر توراعاسى سي تسزينپين قىتاي حالقىنىڭ جانە جەكە ءوزىنىڭ اتىنان ەلباسىن جانە بارشا قازاقستاندىقتاردى مەرەكەمەن قۇتتىقتاپ، قازاقستاننىڭ تۇڭعىش پرەزيدەنتىنىڭ باسشىلىعىمەن وسى جىلدار ىشىندە مەملەكەتتىك دامۋ ىسىندە قولجەتكىزگەن جەتىستىكتەردى اتاپ ءوتتى.
ء"سىزدىڭ دانا باسشىلىعىڭىزبەن قازاقستان تابىستى دامۋ جولىنا ءتۇستى جانە ەۋرازيا وڭىرىندەگى ىقپالدى مەملەكەتكە اينالىپ، مەملەكەتتىك قۇرىلىس ىسىندە تاماشا جەتىستىكتەرگە جەتتى. دوستىق كورشى جانە ماڭگىلىك جان-جاقتى ستراتەگيالىق سەرىكتەس رەتىندە قىتاي بۇعان شىن جۇرەكتەن قۋانىشتى. قازاقستان مەملەكەتتىڭ 2050 جىلعا دەيىنگى دامۋ ستراتەگياسىن تابىستى ىسكە اسىرا وتىرىپ، ەلدىڭ الەۋەتىن نىعايتىپ، حالىقتىڭ ءال-اۋقاتىنىڭ دەڭگەيىن ارتتىرا بەرەتىنىنە سەنىمدىمىن", - دەلىنگەن سي ءتسزينپيننىڭ جەدەلحاتىندا.
تۇركيا پرەزيدەنتى رەجەپ تايىپ ەردوعان تاۋەلسىزدىكتىڭ 30 جىلدىعىنا وراي نۇرسۇلتان نازارباەۆقا جانە قازاقستان حالقىنا بەيبىتشىلىك پەن باق-بەرەكە تىلەپ، جىلى لەبىزىن ءبىلدىردى.
ەردوعان قازاقستان مەن تۇركيا اراسىنداعى قارىم-قاتىناستاردىڭ دامۋ قارقىنىن اتاپ ءوتىپ، 2021 جىلعى 12 قاراشادا ىستامبۇلدا وتكەن ەلباسىنىڭ تىكەلەي قولداۋىمەن قۇرىلعان تۇركى مەملەكەتتەرى ۇيىمى ءسامميتىنىڭ ناتيجەلەرىن ايتتى.
تاجىكستان پرەزيدەنتى ەمومالي راحمون قازاقستان جەتىستىكتەرىنىڭ نۇرسۇلتان نازارباەۆتىڭ ەسىمىمەن تىعىز بايلانىستى ەكەنىن ايتتى.
"ەگەمەندىك جىلدارى باۋىرلاس قازاقستان بۇگىندە حالىقارالىق ارەنادا لايىقتى ورىن الاتىن، بولاشاققا ۇمتىلعان زاماناۋي مەملەكەت قۇرۋدا اۋقىمدى تابىستارعا قولجەتكىزدى. قازىرگى قازاقستاننىڭ وسى جەتىستىكتەرى ءسىزدىڭ اتىڭىزبەن جانە قازاقستان رەسپۋبليكاسىنىڭ تۇڭعىش پرەزيدەنتى لاۋازىمىنداعى كوپجىلدىق جەمىستى مەملەكەتتىك قىزمەتىڭىزبەن تىعىز بايلانىستى", - دەلىنگەن ەمومالي راحموننىڭ جەدەلحاتىندا.
قىرعىزستان پرەزيدەنتى سادىر جاپاروۆ ءوز حاتىندا بىلاي دەگەن:
"دوستىق پەن تاتۋ كورشىلىككە نەگىزدەلگەن، ءبىزدىڭ حالىقتارىمىزدىڭ يگىلىگى ءۇشىن ودان ءارى دە ۇزدىكسىز دامىپ، تەرەڭدەي تۇسەتىن شىن مانىندە مىقتى قىرعىز-قازاقستان ستراتەگيالىق ارىپتەستىك پەن وداقتاستىق قاتىناستارىن قالىپتاستىرۋعا قوسقان ءسىزدىڭ اسا زور ۇلەسىڭىزدى جوعارى باعالايمىن. وسى جاعىمدى مۇمكىندىكتى پايدالانا وتىرىپ، سىزگە زور دەنساۋلىق جانە جاڭا جەتىستىكتەر، ال باۋىرلاس قازاقستان حالقىنا يگىلىك پەن باق - بەرەكە تىلەيمىن".
قازاقستاننىڭ تاۋەلسىزدىكتىڭ 30 جىلى ىشىندە قول جەتكىزگەن تابىستارى تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ جەدەلحاتىندا دا ايتىلعان.
"تاۋەلسىزدىك جىلدارىندا قازاقستان مەملەكەتتىلىگىن نىعايتۋدا، حالىقتىڭ ءال-اۋقاتىن جاقسارتۋدا جانە حالىقارالىق ارەنادا بەدەلىن ارتتىرۋدا ۇلكەن جەتىستىكتەرگە جەتتى. ءبىز جاقىن كورشىمىزدىڭ جەتىستىكتەرىنە قۋانىشتىمىز جانە ستراتەگيالىق سيپاتتاعى ەكىجاقتى قارىم - قاتىناستاردى بىرتىندەپ جەتىلدىرۋگە دايىن ەكەنىمىزدى بىلدىرەمىز", - دەدى گۋربانگۋلى بەردىمۇحامەدوۆ.
"ادىرنا" ۇلتتىق پورتالى
