Nūrsūltan Nazarbaevtyŋ atyna Qazaqstan Täuelsızdıgınıŋ 30 jyldyǧyna orai şet memleket basşylarynan qūttyqtau jedelhattary men hattar kelıp tüstı, - dep habarlaidy "Adyrna" ūlttyq portaly Elbasy.kz saityna sılteme jasap.
QHR töraǧasy Si Szinpin Qytai halqynyŋ jäne jeke özınıŋ atynan Elbasyn jäne barşa qazaqstandyqtardy merekemen qūttyqtap, Qazaqstannyŋ Tūŋǧyş Prezidentınıŋ basşylyǧymen osy jyldar ışınde memlekettık damu ısınde qoljetkızgen jetıstıkterdı atap öttı.
"Sızdıŋ dana basşylyǧyŋyzben Qazaqstan tabysty damu jolyna tüstı jäne Euraziia öŋırındegı yqpaldy memleketke ainalyp, Memlekettık qūrylys ısınde tamaşa jetıstıkterge jettı. Dostyq körşı jäne mäŋgılık jan-jaqty strategiialyq serıktes retınde Qytai būǧan şyn jürekten quanyşty. Qazaqstan memlekettıŋ 2050 jylǧa deiıngı damu strategiiasyn tabysty ıske asyra otyryp, eldıŋ äleuetın nyǧaityp, halyqtyŋ äl-auqatynyŋ deŋgeiın arttyra beretınıne senımdımın", - delıngen Si Szinpinnıŋ jedelhatynda.Türkiia prezidentı Rejep Taiyp Erdoǧan Täuelsızdıktıŋ 30 jyldyǧyna orai Nūrsūltan Nazarbaevqa jäne Qazaqstan halqyna beibıtşılık pen baq-bereke tılep, jyly lebızın bıldırdı. Erdoǧan Qazaqstan men Türkiia arasyndaǧy qarym-qatynastardyŋ damu qarqynyn atap ötıp, 2021 jylǧy 12 qaraşada Ystambūlda ötken Elbasynyŋ tıkelei qoldauymen qūrylǧan Türkı memleketterı ūiymy sammitınıŋ nätijelerın aitty. Täjıkstan prezidentı Emomali Rahmon Qazaqstan jetıstıkterınıŋ Nūrsūltan Nazarbaevtyŋ esımımen tyǧyz bailanysty ekenın aitty.
"Egemendık jyldary bauyrlas Qazaqstan bügınde halyqaralyq arenada laiyqty oryn alatyn, bolaşaqqa ūmtylǧan zamanaui memleket qūruda auqymdy tabystarǧa qoljetkızdı. Qazırgı Qazaqstannyŋ osy jetıstıkterı sızdıŋ atyŋyzben jäne Qazaqstan Respublikasynyŋ Tūŋǧyş Prezidentı lauazymyndaǧy köpjyldyq jemıstı memlekettık qyzmetıŋızben tyǧyz bailanysty", - delıngen Emomali Rahmonnyŋ jedelhatynda.Qyrǧyzstan prezidentı Sadyr Japarov öz hatynda bylai degen:
"Dostyq pen tatu körşılıkke negızdelgen, bızdıŋ halyqtarymyzdyŋ igılıgı üşın odan ärı de üzdıksız damyp, tereŋdei tüsetın şyn mänınde myqty qyrǧyz-qazaqstan strategiialyq ärıptestık pen odaqtastyq qatynastaryn qalyptastyruǧa qosqan sızdıŋ asa zor ülesıŋızdı joǧary baǧalaimyn. Osy jaǧymdy mümkındıktı paidalana otyryp, sızge zor densaulyq jäne jaŋa jetıstıkter, al bauyrlas Qazaqstan halqyna igılık pen baq - bereke tıleimın".Qazaqstannyŋ Täuelsızdıktıŋ 30 jyly ışınde qol jetkızgen tabystary Türıkmenstan prezidentı Gurbanguly Berdımūhamedovtyŋ jedelhatynda da aitylǧan.
"Täuelsızdık jyldarynda Qazaqstan memlekettılıgın nyǧaituda, halyqtyŋ äl-auqatyn jaqsartuda jäne halyqaralyq arenada bedelın arttyruda ülken jetıstıkterge jettı. Bız jaqyn körşımızdıŋ jetıstıkterıne quanyştymyz jäne strategiialyq sipattaǧy ekıjaqty qarym - qatynastardy bırtındep jetıldıruge daiyn ekenımızdı bıldıremız", - dedı Gurbanguly Berdımūhamedov.
"Adyrna" ūlttyq portaly
