ال مەملەكەتتىك ءتىلدى ۇيرەتەتىن مۇعالىمدەر ۆيپ-كليەنتەرىنىڭ بارلىعىن قابىلداپ ۇلگەرە الماي جاتىر. سەبەبى سوڭعى بىرنەشە كۇندە ارنايى كۋرستار مەن قازاقشا ونلاين-ساباقتارعا جازىلۋشىلاردىڭ قاتارى كۇرت كوبەيگەن. ياعني، پارلامەنت پەن ۇكىمەت مۇشەلەرى ءتىلدى تەزدەتىپ ۇيرەنىپ الۋعا جانتالاسۋدا. وسىعان قاراعاندا مينيسترلەر مەن دەپۋتاتتار بۇدان كەيىن قازاقشاسىز جۇمىس ىستەۋ قيىن بولاتىنىن جاقسى تۇسىنگەن سىندى.
استانادا قازاق ءتىلىن جەڭىل ءارى تۇسىنىكتى ادىسپەن وقىتاتىن مامان تاپشى. قازىر مۇنداي مۇعالىمدەرگە سۇرانىس وتە جوعارى. ويتكەنى، پرەزيدەنت ۇكىمەت پەن پارلامەنتتىڭ جيىنى تەك قازاقشا ءوتسىن دەگەلى، مينيستر مەن شەنەۋنىك بىتكەن جەكە ساباق بەرەتىن ۇستاز ىزدەپ الەك. ماسەلەن، ەكى سويلەمنىڭ باسىن ارەڭ قۇرايتىن ۇلتتىق بانك توراعاسى قازاقشا ۇيرەنۋگە ەندى كىرىسىپتى.
دانيار اقىشەۆ، ۇلتتىق بانك توراعاسى:
-مەن قازاقشا تىلىنەن قازىر وقيمىن. ءۇش رەت اپتادا مۇعالىممەن، ۇستازبەن وقيمىن. قازىر عانا ەشقانداي پروبلەمالار مەندە جوق.
ءبىلىپ تۇرعانىن قازاقشا جەتكىزە الماي قور بولىپ جۇرگەندەردىڭ تاعى ءبىرى – ۇلتتىق ەكونوميكا ءمينيسترى. تيمۋر سۇلەيمەنوۆ 5 جىل رەسەيدە ءومىر ءسۇرىپ، ەلگە ورالعاندا انا ءتىلىن مۇلدەم ۇمىتىپ قالدىم دەيدى.مينيستر جەكە ۇستاز جالداپ، قايتا وقىپ جۇرسە دە، ويىن تولىق جەتكىزە المايدى.
تيمۋر سۇلەيمەنوۆ، ۇلتتىق ەكونوميكا ءمينيسترى:
- كۇندە وقىپ جاتىرمىن، وقىتۋشىم بار. كوپ اسا گازەتتەردى وقيمىن، فەيسبۋكتەگى پوستاردى وقيمىن. ويتكەنى، مەنىڭ دەڭگەيىم قازاقشام ءتىلىم دەڭگەيى وزدەرىڭىزگە ءمالىم.
دەپۋتاتتار دا كوشتەن قالماي ءتىل ۇيرەنىپ جانتالاسۋدا. ءبىرى كۋرستارعا جازىلسا، ەكىنشىسى ونلاين-ساباققا قاتىسادى ەكەن.
سەرگەي گروموۆ، سەنات توراعاسىنىڭ ورىنباسارى:
-يا ۆسيۋ جيزن زانيمايۋس كازاحسكيم يازىكوم.پونيمايۋ منوگوە. زانيمايۋس ناد سوۆەرشەنستۆوۆانيەم ەگو زنانيا، يزۋچايۋ ەگو ي پرودولجايۋ يزۋچات.
-19.03.49. قازاقشا چتو نيبۋد سكاجيتە؟
-لادنو، پوتوم.
ال جالپى شەنەۋنىكتەر مەن حالىق قالاۋلىلارىن سەڭ قوزعاعان بۇل اپتادا استاناداعى قازاق ءتىلىن وقىتاتىن ورتالىقتار تىپىرشىپ قالدى. بىلىكتى مامان تاپشى. ءتىپتى، ونلاين-كۋرستارعا دا جازىلۋشىلار ەسەلەپ ارتقان. ماسەلەن، ينتەرنەت ارقالى قازاق ءتىلىن وقىتاتىن «سويلە.كز» سايتىنا ەكى كۇندە ەكى مىڭ ادام جازىلىپتى. بۇل سايتتا ونلاين-ۇستازدار ءارىپ تانۋدان باستاپ ساۋاتتى جازىپ، سويلەۋگە كومەكتەسەدى.
ازات شاۋەەۆ، مەملەكەتتىك ءتىلدى دامىتۋ قورىنىڭ ديرەكتورى:
- مەملەكەتتىك قىزمەتكەرلەر، ونىڭ ىشىندە ۇلتتىق كومپانيالاردىڭ قىزمەتكرەلەرى كوپ استانادان، الماتىدان. بىرنەشە دەپۋتاتتار بار، بىرنەشە مينيسترلەر بار ءبىزدىڭ سايتتا ءتىل ۇيرەنىپ جاتقان، بىرنەشە وبلىس، قالا اكىمدەرى بار.
- مامانداردىڭ ايتۋىنشا، ادامنىڭ قازاق تىلىندە ەركىن سويلەۋىنە ءۇش اي جەتكىلىكتى. ول ءۇشىن ءتىل ۇيرەنۋشى كۇنىنە كەم دەگەندە جارتى ساعات ساباققا ۋاقىت ءبولۋى ءتيىس. ياعني، ءبىزدىڭ مينيسترلەر مەن دەپۋتاتتاردىڭ قازاقستاندا تۇرىپ قازاقشا سويلەي الماۋى ەنجارلىعىنان ەكەن. ال پرەزيدەنتتىڭ تاپسىرماسىنان كەيىن جاپپاي قوزعالا باستاعان ۇكىمەت پەن پارلامەنت مۇشەلەرىنىڭ مەملەكەتتىك تىلگە دەگەن ىنتاسى قانشا ۋاقىتقا جەتەرى بەلگىسىز.
اۆتور: ءجاۋدىر ورازحان
ktk.kz
