Astanada mınıstrler, sheneýnikter men depýtattar qazaq tili kýrstaryna jappaı aǵyla bastady

2967
Adyrna.kz Telegram

Al memlekettik tildi úıretetin  muǵalimder   vıp-klıenteriniń barlyǵyn qabyldap   úlgere almaı jatyr.  Sebebi sońǵy birneshe kúnde   arnaıy kýrstar men qazaqsha onlaın-sabaqtarǵa jazylýshylardyń qatary kúrt kóbeıgen. Iaǵnı, Parlament pen Úkimet músheleri  tildi tezdetip úırenip alýǵa jantalasýda. Osyǵan qaraǵanda mınıstrler men depýtattar budan keıin qazaqshasyz jumys isteý qıyn bolatynyn jaqsy túsingen syndy.

Astanada qazaq tilin jeńil ári túsinikti ádispen oqytatyn maman  tapshy. Qazir mundaı muǵalimderge suranys óte joǵary.  Óıtkeni, Prezıdent  Úkimet pen Parlamenttiń jıyny  tek qazaqsha ótsin  degeli,  mınıstr men  sheneýnik bitken jeke sabaq beretin ustaz izdep álek. Máselen, eki sóılemniń basyn áreń quraıtyn Ulttyq bank tóraǵasy qazaqsha úırenýge endi kirisipti.

Danııar Aqyshev, Ulttyq bank tóraǵasy:

-Men qazaqsha tilinen qazir oqımyn. Úsh ret aptada muǵalimmen, ustazben oqımyn. Qazir ǵana eshqandaı problemalar mende joq.

Bilip turǵanyn qazaqsha jetkize almaı qor bolyp júrgenderdiń taǵy biri – Ulttyq ekonomıka mınıstri. Tımýr Súleımenov  5 jyl Reseıde ómir súrip, elge oralǵanda  ana tilin  múldem umytyp qaldym deıdi.Mınıstr  jeke ustaz jaldap, qaıta oqyp júrse de, oıyn tolyq jetkize almaıdy.

Tımýr Súleımenov, Ulttyq ekonomıka mınıstri:

- Kúnde oqyp jatyrmyn, oqytýshym bar. Kóp asa gazetterdi oqımyn, feısbýktegi postardy oqımyn. Óıtkeni, meniń deńgeıim qazaqsham tilim deńgeıi  ózderińizge málim.

Depýtattar da kóshten qalmaı til úırenip  jantalasýda. Biri kýrstarǵa jazylsa, ekinshisi onlaın-sabaqqa qatysady eken.

Sergeı Gromov, Senat tóraǵasynyń orynbasary:

-Ia vsıý jızn zanımaıýs kazahskım ıazykom.Ponımaıý mnogoe. Zanımaıýs nad sovershenstvovanıem ego znanııa, ızýchaıý ego ı prodoljaıý ızýchat.

-19.03.49. Qazaqsha chto nıbýd skajıte?

-Ladno, potom.

Al  jalpy sheneýnikter men halyq qalaýlylaryn seń qozǵaǵan bul aptada Astanadaǵy qazaq tilin oqytatyn ortalyqtar typyrshyp qaldy. Bilikti maman tapshy. Tipti, onlaın-kýrstarǵa da jazylýshylar eselep artqan. Máselen, ınternet arqaly qazaq tilin oqytatyn «Sóıle.kz»  saıtyna  eki kúnde eki myń adam jazylypty. Bul saıtta onlaın-ustazdar árip tanýdan bastap saýatty jazyp, sóıleýge  kómektesedi.

Azat Sháýeev, Memlekettik tildi damytý qorynyń dırektory:

- Memlekettik qyzmetkerler, onyń ishinde ulttyq kompanııalardyń qyzmetkreleri kóp Astanadan, Almatydan. Birneshe depýtattar bar, birneshe mınıstrler bar bizdiń saıtta til úırenip jatqan, birneshe oblys, qala  ákimderi bar.

- Mamandardyń aıtýynsha, adamnyń  qazaq tilinde erkin sóıleýine  úsh aı jetkilikti. Ol úshin til úırenýshi  kúnine kem degende jarty saǵat sabaqqa ýaqyt bólýi tıis. Iaǵnı, bizdiń mınıstrler men depýtattardyń  Qazaqstanda turyp qazaqsha sóıleı almaýy  enjarlyǵynan eken. Al Prezıdenttiń tapsyrmasynan keıin jappaı qozǵala bastaǵan Úkimet pen Parlament músheleriniń memlekettik tilge degen yntasy qansha ýaqytqa jeteri belgisiz.


Avtor: Jáýdir Orazhan

ktk.kz

Pikirler