«بۇگىن بىزدە قوناقتا» — كوپەن امىربەك

2527
Adyrna.kz Telegram

شىمكەنت قالالىق ءبىلىم باسقارماسىنا قاراستى №26 جامبىل اتىنداعى مەكتەپ– گيمنازياسىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي «جۇلدىزدى 30 كۇن» مەرەكەلىك ءىس-شارالار جوسپارى نەگىزىندە «بۇگىن بىزدە قوناقتا» ايدارىمەن كەزدەسۋ بولىپ ءوتتى.
كەش قوناعى قازاقستان رەسپۋبليكاسىنىڭ ەڭبەك سىڭىرگەن قايراتكەرى، ساتيريك، «ارا» جۋرنالىنىڭ باس رەداكتورى كوپەن امىربەك بولدى.
«ساياسي قوعامدىق ساتيرالىق «ارا Kz» جۋرنالىنىڭ باس رەداكتورى، قازاقستان جازۋشىلار وداعى ساتيرا كەڭەسىنىڭ توراعاسى «قىمىزحانا»، «تاماشا» ويىن-ساۋىق وتاۋىنىڭ، سونداي-اق ءوزى قۇرعان «كوپەن كەلە جاتىر!…» اتتى ساتيرالىق تەاترىنىڭ بەلسەندى اۆتورى، پرەزيدەنت گرانتى مەن «پاراسات» وردەنىنىڭ يەگەرى، حالىقارالىق «الاش» ادەبي سىيلىعىنىڭ لاۋرەاتى كوپەن امىربەك مەكتەپتىڭ تىنىس-تىرشىلىگىمەن تانىسىپ، ءاربىر وقۋشىنىڭ كوكەيىندە جۇرگەن سۇراقتارىنا بايىپپەن جاۋاپ بەرىپ، اشىق پىكىر الماستى.
ءيسى قازاققا تانىمال ساتيرا ساڭلاعى كوپەن اعامىزدىڭ مىسال ولەڭدەرىن وقۋشىلار جاتقا ايتىپ، مەكتەبىمىزدىڭ ءبيشى بۇلدىرشىندەرى مەن جەزتاڭداي انشىلەرى، كۇيشىلەرى ءوز ونەرلەرىن كورسەتتى. بۇگىنگى كەشتىڭ شاكىرتتەر ءۇشىن دە، مەكتەپ ۇستازدارى ءۇشىن دە بەرەر تاعىلىمى مول بولدى.
مەكتەپ گيمنازيا ديرەكتورى قايكەنوۆا گۇلسارا جۋمادۋللاقىزى كەش قوناقتارىنا ۇلكەن العىسىن ءبىلدىردى.

پىكىرلەر