Shymkent qalalyq bilim basqarmasyna qarasty №26 Jambyl atyndaǵy mektep– gımnazııasynda Qazaqstan Respýblıkasy Táýelsizdiginiń 30 jyldyǵyna oraı «Juldyzdy 30 kún» merekelik is-sharalar jospary negizinde «Búgin bizde qonaqta» aıdarymen kezdesý bolyp ótti.
Kesh qonaǵy Qazaqstan Respýblıkasynyń eńbek sińirgen qaıratkeri, satırık, «Ara» jýrnalynyń bas redaktory Kópen Ámirbek boldy.
«Saıası qoǵamdyq satıralyq «Ara Kz» jýrnalynyń Bas redaktory, Qazaqstan Jazýshylar odaǵy satıra keńesiniń tóraǵasy «Qymyzhana», «Tamasha» oıyn-saýyq otaýynyń, sondaı-aq ózi qurǵan «Kópen kele jatyr!…» atty satıralyq teatrynyń belsendi avtory, Prezıdent granty men «Parasat» ordeniniń ıegeri, Halyqaralyq «Alash» ádebı syılyǵynyń laýreaty Kópen Ámirbek mekteptiń tynys-tirshiligimen tanysyp, árbir oqýshynyń kókeıinde júrgen suraqtaryna baıyppen jaýap berip, ashyq pikir almasty.
Isi qazaqqa tanymal satıra sańlaǵy Kópen aǵamyzdyń mysal óleńderin oqýshylar jatqa aıtyp, mektebimizdiń bıshi búldirshinderi men jeztańdaı ánshileri, kúıshileri óz ónerlerin kórsetti. Búgingi keshtiń shákirtter úshin de, mektep ustazdary úshin de berer taǵylymy mol boldy.
Mektep gımnazııa dırektory Qaıkenova Gúlsara Jýmadýllaqyzy kesh qonaqtaryna úlken alǵysyn bildirdi.
«BÚGIN BIZDE QONAQTA» — KÓPEN ÁMIRBEK
09.12.2021
2580
Pikirler
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз