بۇگىنگى تاڭدا ەلىمىز ءۇشىن كاسىبي دەڭگەيى جوعارى مەملەكەتتىك قىزمەتكەرلەردى دايارلاۋ قانداي وزەكتى ماسەلە بولسا، ەڭبەك جولىن جاڭادان باستاپ كەلە جاتقان جاس ماماندارعا قولداۋ كورسەتە ءبىلۋ ءدال سونداي كوكەيكەستى ماسەلە. بۇل ماقساتقا جەتۋدىڭ ءتيىمدى تەتىكتەرىنىڭ ءبىرى – الدىڭعى تولقىن اعالاردىڭ كەيىنگى تولقىندى تاربيەلەۋ ءىسى ەكەندىگى ءcوزسىز.
وسى رەتتە ءال-فارابي اۋدانى اكىمدىگى قۇرىلعان ساتتەن باستاپ تالماي ەڭبەك ەتىپ، بۇگىندە بەينەتىنىڭ زەينەتىن كورىپ وتىرعان زەينەتكەر تەمىرحان وحاپوۆپەن تاۋەلسىزدىكتىڭ 30 جىلدىعى اياسىندا ۇجىمدىق كەزدەسۋ ۇيىمداستىرىلدى.
كوممۋنالدىق-شارۋاشىلىق سالاسىندا 20 جىل قىزمەت ەتكەن ارداگەر ۇزاق جىلدار بويىنا جيعان تاجىريبەسى مەن تاعىلىمدارىمەن ءبولىستى.
— ءبىز جۇمىسقا ورنالاسقان ساتتە ءال-فارابي اۋدانى قابىرعاسى جاڭا قالانعان، ەڭ جاس اكىمدىك ەدى. ينفراقۇرىلىم، جول توسەۋ، كوگالداندىرۋ جۇمىستارىن از ۋاقىتتىڭ ىشىندە جولعا قويۋ وڭايعا سوققان جوق. قۋانىشتى دا،تۋىنداعان ماسەلەردى دە تۇرعىندارمەن بىرگە كوردىك، بىرلەسىپ شەشتىك. اۋدان تۇرعىندارىنىڭ كومەگى زور بولدى. ەڭ باستى قاعيدا – ءوزىڭ ىستەپ جۇرگەن جۇمىستى ءسۇيىپ اتقارۋ جانە وعان ادال بولۋ،- دەدى ارداگەر.
تالىمگەرلىك – تاربيەنىڭ ءبىر ءتۇرى. ول جاس ماماندى جۇمىس ورىنىندا وقىتۋ ارقىلى، قۇزىرەتتىلىكتەردى مەڭگەرتۋدىڭ قۋاتتى قۇرالى. تالىمگەرلىك وزىق تاجىريبەدەن تۋىندايدى.
