Bügıngı taŋda elımız üşın käsıbi deŋgeiı joǧary memlekettık qyzmetkerlerdı daiarlau qandai özektı mäsele bolsa, eŋbek jolyn jaŋadan bastap kele jatqan jas mamandarǧa qoldau körsete bılu däl sondai kökeikestı mäsele. Būl maqsatqa jetudıŋ tiımdı tetıkterınıŋ bırı – aldyŋǧy tolqyn aǧalardyŋ keiıngı tolqyndy tärbieleu ısı ekendıgı cözsız.
Osy rette Äl-Farabi audany äkımdıgı qūrylǧan sätten bastap talmai eŋbek etıp, bügınde beinetınıŋ zeinetın körıp otyrǧan zeinetker Temırhan Ohapovpen täuelsızdıktıŋ 30 jyldyǧy aiasynda ūjymdyq kezdesu ūiymdastyryldy.
Kommunaldyq-şaruaşylyq salasynda 20 jyl qyzmet etken ardager ūzaq jyldar boiyna jiǧan täjıribesı men taǧylymdarymen bölıstı.
— Bız jūmysqa ornalasqan sätte Äl-Farabi audany qabyrǧasy jaŋa qalanǧan, eŋ jas äkımdık edı. İnfraqūrylym, jol töseu, kögaldandyru jūmystaryn az uaqyttyŋ ışınde jolǧa qoiu oŋaiǧa soqqan joq. Quanyşty da,tuyndaǧan mäselerdı de tūrǧyndarmen bırge kördık, bırlesıp şeştık. Audan tūrǧyndarynyŋ kömegı zor boldy. Eŋ basty qaǧida – özıŋ ıstep jürgen jūmysty süiıp atqaru jäne oǧan adal bolu,- dedı ardager.
Tälımgerlık – tärbienıŋ bır türı. Ol jas mamandy jūmys orynynda oqytu arqyly, qūzyrettılıkterdı meŋgertudıŋ quatty qūraly. Tälımgerlık ozyq täjıribeden tuyndaidy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz