شىمكەنت 2025 جىلعا دەيىن 101 جاڭا مەكتەپپەن تولىعادى

355

شىمكەنت قالاسىنىڭ اكىمى مۇرات ايتەنوۆ پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە پرەزيدەنت تاپسىرماسىنا سايكەس رەسپۋبليكا كولەمىندە سالىناتىن ءبىر مىڭ جاڭا مەكتەپتىڭ 101-ءى، ياعني، ءاربىر ونىنشى مەكتەپ شىمكەنت قالاسىندا بوي كوتەرەتىنىن مالىمدەدى.

«اعىمداعى جىلى 32 مەكتەپتىڭ قۇرىلىسى جۇرگىزىلىپ، 11 764 ورىندىق 25 مەكتەپ پايدالانۋعا بەرىلدى. ناتيجەسىندە اپاتتى مەكتەپتەر ماسەلەسى تولىعىمەن شەشىلىپ، 14 ءۇش اۋىسىمدى مەكتەپتەر سانى 9-عا دەيىن ازايدى. 2025 جىلى قالادا ءۇش اۋىسىمدى جانە مەكتەبى جوق شاعىناۋداندار ماسەلەسى تولىعىمەن شەشىلەدى. سونىمەن بىرگە، قالادا زاماناۋي 500 ورىندىق وقۋشىلار سارايىنىڭ قۇرىلىسى باستالدى»، دەپ اتاپ ءوتتى شاھار باسشىسى.

ادامي كاپيتالدى دامىتۋ شەڭبەرىندەگى جۇمىستاردى بايانداعان قالا اكىمى، مەملەكەت باسشىسىنىڭ تاپسىرماسىنا سايكەس، جاستارىمىز ءۇشىن سپورتپەن شۇعىلدانۋعا جاعداي جاسالىپ جاتقاندىعىن جەتكىزدى. وسى ورايدا بيىل 115 ويىن جانە سپورت الاڭشاسى سالىنىپ وتىرعاندىعىن، سپورتتىڭ 14 ءتۇرى بويىنشا 10 مىڭعا جۋىق بالا تەگىن سپورتتىق سەكتسيالارمەن قامتىلعانىن اتاپ ءوتتى. مەكتەپ وقۋشىلارى اراسىندا جاستار ليگاسى وتكىزىلىپ، سپورتتىڭ 4 تۇرىنەن 8 مىڭنان استام وقۋشى قاتىسقاندىعىن ايتتى. جازعى وليمپيادا ويىندارىندا 2 سپورتشىمىز قولا جۇلدەگەر اتانسا، ءبىر سپورتشىمىز بوكستان الەم چەمپيوناتىندا كۇمىس مەدالعا يە بولعاندىعىنا توقتالدى. سپورت ينفراقۇرلىمىن دامىتۋدا 3 نىسان، ونىڭ ىشىندە «مەتاللۋرگ» ستاديونىن قايتا قۇرىلىمداۋ، قالالىق №12 سپورت مەكتەبىنە قوسىمشا عيمارات سالۋ، جەكە ينۆەستور ەسەبىنەن زاماناۋي يپپودروم قۇرىلىسىن جۇرگىزۋ جوبالارى ەنگەندىگىن اتاپ ءوتتى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket