Shymkent qalasynyń ákimi Murat Áıtenov Prezıdent janyndaǵy Ortalyq kommýnıkaııalar qyzmetinde ótken brıfıngte Prezıdent tapsyrmasyna sáıkes respýblıka kóleminde salynatyn bir myń jańa mekteptiń 101-i, ıaǵnı, árbir onynshy mektep Shymkent qalasynda boı kóteretinin málimdedi.
«Aǵymdaǵy jyly 32 mekteptiń qurylysy júrgizilip, 11 764 oryndyq 25 mektep paıdalanýǵa berildi. Nátıjesinde apatty mektepter máselesi tolyǵymen sheshilip, 14 úsh aýysymdy mektepter sany 9-ǵa deıin azaıdy. 2025 jyly qalada úsh aýysymdy jáne mektebi joq shaǵynaýdandar máselesi tolyǵymen sheshiledi. Sonymen birge, qalada zamanaýı 500 oryndyq oqýshylar saraıynyń qurylysy bastaldy», dep atap ótti shahar basshysy.
Adamı kapıtaldy damytý sheńberindegi jumystardy baıandaǵan qala ákimi, Memleket basshysynyń tapsyrmasyna sáıkes, jastarymyz úshin sportpen shuǵyldanýǵa jaǵdaı jasalyp jatqandyǵyn jetkizdi. Osy oraıda bıyl 115 oıyn jáne sport alańshasy salynyp otyrǵandyǵyn, sporttyń 14 túri boıynsha 10 myńǵa jýyq bala tegin sporttyq sekııalarmen qamtylǵanyn atap ótti. Mektep oqýshylary arasynda Jastar lıgasy ótkizilip, sporttyń 4 túrinen 8 myńnan astam oqýshy qatysqandyǵyn aıtty. Jazǵy Olımpıada oıyndarynda 2 sportshymyz qola júldeger atansa, bir sportshymyz bokstan álem chempıonatynda kúmis medalǵa ıe bolǵandyǵyna toqtaldy. Sport ınfraqurlymyn damytýda 3 nysan, onyń ishinde «Metallýrg» stadıonyn qaıta qurylymdaý, qalalyq №12 sport mektebine qosymsha ǵımarat salý, jeke ınvestor esebinen zamanaýı ıppodrom qurylysyn júrgizý jobalary engendigin atap ótti.
