جەلتوقسان ايىنىڭ باسىندا شىمكەنت قالالىق حالىقارالىق اۋەجايدا 485 ورىندىق جاڭا اۆتوتۇراق قولدانىسقا بەرىلگەن بولاتىن. اۆتوتۇراق اۋماعىندا مۇمكىندىگى شەكتەۋلى ازاماتتاردىڭ كولىگىنە 8, قىزمەتتىك كولىكتەرگە 9 ارنايى ورىن قاراستىرىلعان. كولىك تۇراعىنا ارنايى جارىقشامدار ورناتىلىپ، بەينەباقىلاۋ كامەرالارىمەن جاراقتاندىرىلعان.
ەسكى اۆتوتۇراققا تەك قوعامدىق كولىكتەر مەن برەندتتەلگەن تاكسوپارك كولىكتەرىن قويۋعا رۇقسات ەتىلگەن.
قۇرمەتتى قالا تۇرعىندارى!
حالىقارالىق اۋەجاي ايماعىندا قويىلعان بەلگىلەرگە مۇقيات بولىپ، جول ەرەجەلەرىن ساقتاۋلارىڭىزدى سۇرايمىز. ەرەجەنى بۇزعان جاعدايدا، قاۋىپسىزدىكتى قامتاماسىز ەتۋ ماقساتىندا قويىلعان سەرگەك كەشەندى بەينەباقىلاۋ كامەرالارى ءتۇسىرىپ، ايىپپۇل سالىناتىندىعىن قاپەرلەرىڭىزگە جەتكىزەمىز.
بۇل ءوز كەزەگىندە اۋەجاي ماڭىندا كولىك قوزعالىسىن رەتتەۋگە ۇلكەن مۇمكىنشىلىك بەرەدى. سول سەبەپتى كولىك جۇرگىزۋشىلەرىنىڭ تۇسىنىستىكپەن قاراپ، مۇقيات بولۋلارىڭىزدى سۇرايمىز.
شىمكەنت قالاسىنىڭ اقپارتتىق-كوممۋنيكاتسيالىق ورتالىعى
