Jeltoqsan aıynyń basynda Shymkent qalalyq halyqaralyq áýejaıda 485 oryndyq jańa avtoturaq qoldanysqa berilgen bolatyn. Avtoturaq aýmaǵynda múmkindigi shekteýli azamattardyń kóligine 8, qyzmettik kólikterge 9 arnaıy oryn qarastyrylǵan. Kólik turaǵyna arnaıy jaryqshamdar ornatylyp, beınebaqylaý kameralarymen jaraqtandyrylǵan.
Eski avtoturaqqa tek qoǵamdyq kólikter men brendttelgen taksopark kólikterin qoıýǵa ruqsat etilgen.
Qurmetti qala turǵyndary!
Halyqaralyq áýejaı aımaǵynda qoıylǵan belgilerge muqııat bolyp, jol erejelerin saqtaýlaryńyzdy suraımyz. Erejeni buzǵan jaǵdaıda, qaýipsizdikti qamtamasyz etý maqsatynda qoıylǵan Sergek keshendi beınebaqylaý kameralary túsirip, aıyppul salynatyndyǵyn qaperlerińizge jetkizemiz.
Bul óz kezeginde áýejaı mańynda kólik qozǵalysyn retteýge úlken múmkinshilik beredi. Sol sebepti kólik júrgizýshileriniń túsinistikpen qarap, muqııat bolýlaryńyzdy suraımyz.
Shymkent qalasynyń Aqparttyq-kommýnıkaııalyq ortalyǵy
