قر تاۋەلسىزدىگىنىڭ 30 جىلدىعىنا وراي جاڭا قوعامدىق كولىكتەردى باعىتتارعا ۇلەستىرۋ ءىس-شاراسى ءوتتى. شاراعا قر مەملەكەتتىك حاتشىسى ق.كوشەرباەۆ، قالا اكىمى م.ايتەنوۆ قاتىستى.
مەرەكە قارساڭىندا شىمكەنتتە 9 قولدانىستاعى جانە 3 جاڭا، جالپى 12 باعىتتا قاتىنايتىن 240 جاڭا اۆتوبۋس حالىق يگىلىگىنە پايدالانۋعا بەرىلدى. سوڭعى جىلدارى شىمكەنتتە قوعامدىق كولىك قىزمەتى جىلدان جىلعا جەتىلىپ كەلەدى. قازىرگى تاڭدا قالادا 13 تاسىمالداۋشى كومپانيا جولاۋشىلارعا 75 باعىت بويىنشا قىزمەت كورسەتەدى. ونىڭ ىشىندە 57 مارشرۋت الەۋمەتتىك ماڭىزى بار باعىت رەتىندە بەلگىلەنىپ، جەرگىلىكتى بيۋدجەتتىڭ ەسەبىنەن سۋبسيديالانىپ وتىر.
قالانىڭ اۆتوبۋس پاركىندە 1 مىڭنان استام كولىك بار. ونىڭ شامامەن 87 پايىزى جاڭارتىلدى. زاماناۋي، جايلى اۆتوبۋستار جەلدەتكىشتەرمەن، بەينەباقىلاۋ كامەرالارىمەن، پاندۋستارمەن جابدىقتالعان. بارلىق ستاندارتتارعا سايكەس كەلەدى. بيىل قوعامدىق كولىك جەلىسىن دامىتۋ كەشەندى سحەماسى بەكىتىلدى. سونىڭ ناتيجەسىندە بىرقاتار باعىتتار وڭتايلاندىرىلىپ، جاڭا مارشرۋتتار ىسكە قوسىلدى.
سونىمەن قاتار «Tolem» اتتى ەلەكتروندى تولەم جۇيەسى ىسكە قوسىلدى. بارلىق اۆتوبۋستار تسيفرلىق جۇيەلەر جانە GPS قوندىرعىلارمەن جابدىقتالدى. بۇعان ءى-Kolik ءموبيلدى قوسىمشانى ازىرلەپ، قولدانىسقا ەنگىزۋگە مۇمكىندىك بەردى. قوسىمشا ارقىلى تۇرعىندار قوعامدىق كولىكتىڭ قوزعالىسى جايلى اقپارات الىپ، وزىنە قاجەت اۆتوبۋستىڭ قايدا كەلە جاتقانىن كورە الادى.
كەپتەلىستى ازايتۋ ماقساتىندا جول-كولىك ينفراقۇرىلىمىن دامىتۋعا دا ايرىقشا كوڭىل ءبولىنىپ وتىر. بيىل 311 شاقىرىم جولداردا قۇرىلىس-جوندەۋ جۇمىستارى جۇرگىزىلىپ، ونىڭ ىشىندە 270 شاقىرىمى پايدالانۋعا بەرىلىپ وتىر.
قالا اكىمى جاڭا اۆتوبۋستاردىڭ حالىق يگىلىگىنە پايدالانۋعا بەرىلۋى تۇرعىندار ءۇشىن ۇلكەن قۋانىش ەكەنىن ايتا كەلە، الداعى جوسپارلاردان حاباردار ەتتى.
–شاھاردا قوعامدىق كولىك جەلىسىن دامىتۋ كەشەندى سحەماسى بەكىتىلدى. سونىڭ ناتيجەسىندە بىرقاتار باعىتتار وڭتايلاندىرىلىپ، جاڭا مارشرۋتتار ىسكە قوسىلدى. كەپتەلىستى ازايتۋ ماقساتىندا جول-كولىك ينفراقۇرىلىمىن دامىتۋعا دا ايرىقشا كوڭىل ءبولىنىپ وتىر. الداعى ۋاقىتتا تۇرعىنداردىڭ يگىلىگى ءۇشىن قوعامدىق كولىك جۇيەسى مەن ينفراقۇرىلىمدى دامىتۋ جۇمىستارى جالعاسا بەرەدى، – دەدى مۇرات دۇيسەنبەكۇلى.
بۇگىن تۇرعىندار يگىلىگىنە بەرىلگەن اۆتوبۋستار №17, №21, №42, №113, №133, №158, №182 جانە №43, №54, №66, №71 جاڭا باعىتتاردا قىزمەت كورسەتەتىن بولادى. ولاردىڭ ورنىنداعى اۆتوبۋستار №2, №10, №11, №15, №16, №20, №23, №45, №52, №61, №70, №75, №96, №108, №114, №139, №171, №171ا، №180, №191 مارشرۋتتارىنا باعىتتالادى.
شىمكەنت قالاسى اكىمدىگىنىڭ ءباسپاسوز قىزمەتى
