QR Täuelsızdıgınıŋ 30 jyldyǧyna orai jaŋa qoǧamdyq kölıkterdı baǧyttarǧa ülestıru ıs-şarasy öttı. Şaraǧa QR Memlekettık hatşysy Q.Köşerbaev, qala äkımı M.Äitenov qatysty.
Mereke qarsaŋynda Şymkentte 9 qoldanystaǧy jäne 3 jaŋa, jalpy 12 baǧytta qatynaityn 240 jaŋa avtobus halyq igılıgıne paidalanuǧa berıldı. Soŋǧy jyldary Şymkentte qoǧamdyq kölık qyzmetı jyldan jylǧa jetılıp keledı. Qazırgı taŋda qalada 13 tasymaldauşy kompaniia jolauşylarǧa 75 baǧyt boiynşa qyzmet körsetedı. Onyŋ ışınde 57 marşrut äleumettık maŋyzy bar baǧyt retınde belgılenıp, jergılıktı biudjettıŋ esebınen subsidiialanyp otyr.
Qalanyŋ avtobus parkınde 1 myŋnan astam kölık bar. Onyŋ şamamen 87 paiyzy jaŋartyldy. Zamanaui, jaily avtobustar jeldetkıştermen, beinebaqylau kameralarymen, pandustarmen jabdyqtalǧan. Barlyq standarttarǧa säikes keledı. Biyl qoǧamdyq kölık jelısın damytu keşendı shemasy bekıtıldı. Sonyŋ nätijesınde bırqatar baǧyttar oŋtailandyrylyp, jaŋa marşruttar ıske qosyldy.
Sonymen qatar «Tolem» atty elektrondy tölem jüiesı ıske qosyldy. Barlyq avtobustar sifrlyq jüieler jäne GPS qondyrǧylarmen jabdyqtaldy. Būǧan ı-Kolik mobildı qosymşany äzırlep, qoldanysqa engızuge mümkındık berdı. Qosymşa arqyly tūrǧyndar qoǧamdyq kölıktıŋ qozǧalysy jaily aqparat alyp, özıne qajet avtobustyŋ qaida kele jatqanyn köre alady.
Keptelıstı azaitu maqsatynda jol-kölık infraqūrylymyn damytuǧa da airyqşa köŋıl bölınıp otyr. Biyl 311 şaqyrym joldarda qūrylys-jöndeu jūmystary jürgızılıp, onyŋ ışınde 270 şaqyrymy paidalanuǧa berılıp otyr.
Qala äkımı jaŋa avtobustardyŋ halyq igılıgıne paidalanuǧa berıluı tūrǧyndar üşın ülken quanyş ekenın aita kele, aldaǧy josparlardan habardar ettı.
–Şaharda qoǧamdyq kölık jelısın damytu keşendı shemasy bekıtıldı. Sonyŋ nätijesınde bırqatar baǧyttar oŋtailandyrylyp, jaŋa marşruttar ıske qosyldy. Keptelıstı azaitu maqsatynda jol-kölık infraqūrylymyn damytuǧa da airyqşa köŋıl bölınıp otyr. Aldaǧy uaqytta tūrǧyndardyŋ igılıgı üşın qoǧamdyq kölık jüiesı men infraqūrylymdy damytu jūmystary jalǧasa beredı, – dedı Mūrat Düisenbekūly.
Bügın tūrǧyndar igılıgıne berılgen avtobustar №17, №21, №42, №113, №133, №158, №182 jäne №43, №54, №66, №71 jaŋa baǧyttarda qyzmet körsetetın bolady. Olardyŋ ornyndaǧy avtobustar №2, №10, №11, №15, №16, №20, №23, №45, №52, №61, №70, №75, №96, №108, №114, №139, №171, №171a, №180, №191 marşruttaryna baǧyttalady.
Şymkent qalasy äkımdıgınıŋ baspasöz qyzmetı
