تاۋەلسىزدىك مەرەكەسىنە وراي قىزمەتكەرلەر العىس حاتتارمەن ماراتتالدى

1556
Adyrna.kz Telegram

قازاقستان رەسپۋبليكاسىنىڭ تاۋەلسىزدىگىنە 30 جىل تولۋىنا وراي قاراتاۋ اۋدانىنىڭ اكىمى ابزال شىمكەنتبايۇلى مەن «قىزمەت» مەملەكەتتىك، بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعى قوعامدىق بىرلەستىگى شىمكەنت قالالىق فيليالىنىڭ توراعاسى س.اۋەسحانوۆ اكىمدىك قىزمەتكەرلەرىن العىس حاتتارمەن ماراپاتتادى.

«ەگەمەن ەلىمىز 16 جەلتوقسان كۇنى سالتاناتتى جاعدايدا ۇلتتىق مەرەكە – «تاۋەلسىزدىك كۇنىن» اتاپ وتەدى. الماعايىپ وتپەلى كەزەڭنىڭ بارلىق قيىندىقتارىن جەڭىپ، الەمدىك ساحناعا كوتەرىلگەن اتامەكەنىمىزدىڭ وسىنداي بيىكتىكتەردى باعىندىرۋىنا ونىڭ بارشا ازاماتتارى سۇبەلى ۇلەس قوستى دەپ بىلەمىن، - دەدى اۋدان اكىمى ءوز سوزىندە.

ەلباسىمىز جۇرگىزگەن ساليقالى ساياساتتىڭ ارقاسىندا قازاقستانىمىز تورتكۇل دۇنيەگە تانىمال مەملەكەتكە اينالدى. ەل تىزگىنىن قولعا العان مەملەكەت باسشىمىز قاسىم-جومارت كەمەلۇلى دا بارىنەن قۇندى بولعان قاسيەتتى تاۋەلسىزدىگىمىزدى قورعاۋدا، ونى ماڭگىلىك ەتۋ جولىندا ەلگە ەرەكشە ەڭبەك ەتىپ كەلەدى. ونىڭ ءسىز بەن ءبىز ءسوزسىز كۋاسىمىز.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر