Qazaqstan Respýblıkasynyń Táýelsizdigine 30 jyl tolýyna oraı Qarataý aýdanynyń ákimi Abzal Shymkentbaıuly men «Qyzmet» Memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy qoǵamdyq birlestigi Shymkent qalalyq fılıalynyń tóraǵasy S.Áýeshanov ákimdik qyzmetkerlerin alǵys hattarmen marapattady.
«Egemen elimiz 16 jeltoqsan kúni saltanatty jaǵdaıda Ulttyq mereke – «Táýelsizdik kúnin» atap ótedi. Almaǵaıyp ótpeli kezeńniń barlyq qıyndyqtaryn jeńip, álemdik sahnaǵa kóterilgen Atamekenimizdiń osyndaı bıiktikterdi baǵyndyrýyna onyń barsha azamattary súbeli úles qosty dep bilemin, - dedi aýdan ákimi óz sózinde.
Elbasymyz júrgizgen salıqaly saıasattyń arqasynda Qazaqstanymyz tórtkúl dúnıege tanymal memleketke aınaldy. El tizginin qolǵa alǵan Memleket basshymyz Qasym-Jomart Kemeluly da bárinen qundy bolǵan qasıetti Táýelsizdigimizdi qorǵaýda, ony máńgilik etý jolynda elge erekshe eńbek etip keledi. Onyń Siz ben biz sózsiz kýásimiz.
Shymkent qalasynyń Aqparattyq-kommýnıkaııalyq ortalyǵy
