قر تاۋەلسىزدىگىڭ 30 جىلدىعىنا وراي "رۋحاني جاڭعىرۋ" باعدارلاماسى اياسىندا تالدىقورعان قالاسىندا رەسپۋبليكالىق IQ Doda زياتكەرلىك ويىنى ءوتتى. ءۇشىنشى مەگاپوليستىڭ "شىمقالا" كومانداسى ەلىمىزدىڭ تۇكپىر-تۇكپىرىنەن جينالعان 17 قۇرامانىڭ اراسىنان جۇلدەلى ءۇشىنشى ورىندى يەمدەندى.
زياتكەرلىك ويىننىڭ ماقساتى - “رۋحاني جاڭعىرۋ” باعدارلاماسى يدەيالارىن جۇزەگە اسىرۋ، قازىرگى زاماننىڭ جاڭا جاعدايلارىنا سايكەس ستاندارتتى ەمەس دەربەس ويلاۋدى، ينتۋيتسيانى، زياتكەرلىك قابىلەتتى دامىتۋ، تابىستىڭ ىرگەلى فاكتورى رەتىندە جاڭاشىلدىق پەن ءبىلىمدى ناسيحاتتاۋ بولاتىن.
تالدىقورعانعا شىمكەنتتەن قالالىق وقۋشىلار سارايىنىڭ ديرەكتورى مۇستافاەۆ باقىتجان نۇرعازىۇلى، "شىمكەنت اقپارات ورتالىعى" جشس ديرەكتورى ورىمباەۆ نۇربول ابدەزىمۇلى، وقمپۋ جاستار ساياساتى ءبولىمىنىڭ مەڭگەرۋشىسى تاسبولات بەكداۋلەت بەيسەنبايۇلى، ءا. قۋاتبەكوۆ اتىنداعى حالىقتار دوستىعى ۋنيۆەرسيتەتىنىڭ الەۋمەتتىك تاربيە جانە جاستار ءىسى جونىندەگى ءبولىم باسشىسى الىبەك بەكسەيىت اشىربەكۇلى قۇراعان كوماندا نامىستى قولدان بەرمەي، ەكى كۇن ىشىندە ۇزدىك ناتيجە كورسەتتى.
قاتىسۋشىلار لوگيكا، تاپقىرلىق جانە ءبىلىمىن قولدانا وتىرىپ، جان-جاقتى قىزىقتى سۇراقتارعا جاۋاپ بەردى. اقتىق كەزەڭدە 7 كوماندامەن وي جۇيرىكتىگىن سىنعا سالعان جەرلەستەرىمىز از عانا ۇپاي ايىرماشىلىعىمەن تۇركىستان وبلىسىنىڭ " تۇران" كومانداسى (28 ۇپاي) مەن پاۆلودارلىق "ەرتىس" كومانداسىنا (27 ۇپاي) جول بەرىپ، "شىمقالا" (26 ۇپاي) ۇزدىك ۇشتىك قاتارىنان كورىندى. جەرلەستەرىمىزدى جۇلدەمەن قۇتتىقتايمىز!
