شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ ۇيىمداستىرۋىمەن قازاقستان رەسپۋبليكاسىنىڭ تاۋەلسىزدىگىنىڭ 30 جىلدىعى اياسىندا «تاۋەلسىزدىك تاريحى» تاقىرىبىندا فورۋم وتكىزىلدى، دەپ حابارلايدى.
اتالعان فورۋمعا شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارما باسشىسىنىڭ مىندەتىن اتقارۋشى شوتانوۆ مۇراتجان شۇكىرحانۇلى، شىمكەنت قالاسى «رۋحاني جاڭعىرۋ» جوبالىق كەڭسەسىنىڭ جەتەكشىسى - ورالباەۆا زاۋرە ابدۋحاميتقىزى، 1986 جىلعى جەلتوقسان وقيعاسىنىڭ قاھارمانى - قۋاندىقوۆ ەرمۇحامبەت، تاريح عىلىمدارىنىڭ كانديداتى، م. اۋەزوۆ اتىنداعى وقۋ رۋحاني جاڭعىرۋ جانە قازاقستان حالىق اسسامبلەياسى ورتالىعىنىڭ باسشىسى، ساياسي قۋعىن – سۇرگىن قۇرباندارىن تولىق اقتاۋ جونىندەگى شىمكەنت قالاسى بويىنشا وڭىرلىك كوميسسياسىنىڭ جۇمىسشى توبىنىڭ جەتەكشىسى – جانىسبەكوۆا گۇلنار امىربايقىزى، شىمكەنت قالاسى ءبىلىم باسقارماسىنىڭ «وقۋشىلار سارايى» مەملەكەتتىك كوممۋنالدىق قازىنالىق كاسىپورىنىنىڭ ديرەكتورى، تاريح عىلىمدارىنىڭ ماگيسترى - مۇستافاەۆ باقىتجان نۇرعازىۇلى، «جەلتوقسان اقيقاتى» رەسپۋبليكالىق قوعامدىق بىرلەستىك شىمكەنت قالالىق فيليالىنىڭ مۇشەسى، جەلتوقسان وقيعاسىنا قاتىسۋشى - وسپانوۆا گۋلميرا، جوم تاربيە ءىسى جونىندەگى ديرەكتور ورىنباسارلارى، تاريح ءپانىنىڭ وقىتۋشىلارى، پروفەسسورلار مەن بەلسەندى جاستار قاتىستى. ەكى جۇزدەن استام تىڭداۋشى قاتىسقان كونفەرەنتسيادا «تاۋەلسىزدىك – تاريحى» دەرەكتى ءفيلمى كورسەتىلىپ، «تاۋەلسىزدىك رۋحاني جاڭعىرۋ كەپىلى»، «تاۋەلسىزدىك - مۇرات»، «تاۋەلسىزدىك جىلدارىنداعى ساياسي قۋعىن – سۇرگىن قۇرباندارىن تولىق اقتاۋ جونىندەگى اتقارىلىپ جاتقان ءجۇمىستار»، «تاۋەلسىزدىك جىلدارىنداعى شىمكەنت قالاسىنىڭ دامۋ تاريحى» جانە ت.ب. تاقىرىپتاردا ءسوز قوزعالىپ، جاستاردىڭ ويلارى تىڭدالدى.
