Shymkent qalasy ishki saıasat jáne jastar isteri jónindegi basqarmasynyń uıymdastyrýymen Qazaqstan Respýblıkasynyń Táýelsizdiginiń 30 jyldyǵy aıasynda «Táýelsizdik tarıhy» taqyrybynda forým ótkizildi, dep habarlaıdy.
Atalǵan forýmǵa Shymkent qalasynyń ishki saıasat jáne jastar isteri jónindegi basqarma basshysynyń mindetin atqarýshy Shotanov Muratjan Shúkirhanuly, Shymkent qalasy «Rýhanı jańǵyrý» jobalyq keńsesiniń jetekshisi - Oralbaeva Zaýre Abdýhamıtqyzy, 1986 jylǵy Jeltoqsan oqıǵasynyń qaharmany - Qýandyqov Ermuhambet, Tarıh ǵylymdarynyń kandıdaty, M. Áýezov atyndaǵy OQÝ Rýhanı jańǵyrý jáne Qazaqstan halyq assambleıasy ortalyǵynyń basshysy, Saıası qýǵyn – súrgin qurbandaryn tolyq aqtaý jónindegi Shymkent qalasy boıynsha óńirlik komıssııasynyń jumysshy tobynyń jetekshisi – Janysbekova Gúlnar Ámirbaıqyzy, Shymkent qalasy bilim basqarmasynyń «Oqýshylar saraıy» memlekettik kommýnaldyq qazynalyq kásiporynynyń dırektory, Tarıh ǵylymdarynyń magıstri - Mustafaev Baqytjan Nurǵazyuly, «Jeltoqsan aqıqaty» respýblıkalyq qoǵamdyq birlestik Shymkent qalalyq fılıalynyń múshesi, Jeltoqsan oqıǵasyna qatysýshy - Ospanova Gýlmıra, JOM tárbıe isi jónindegi dırektor orynbasarlary, tarıh pániniń oqytýshylary, professorlar men belsendi jastar qatysty. Eki júzden astam tyńdaýshy qatysqan konferenııada «Táýelsizdik – tarıhy» derekti fılmi kórsetilip, «Táýelsizdik rýhanı jańǵyrý kepili», «Táýelsizdik - murat», «Táýelsizdik jyldaryndaǵy saıası qýǵyn – súrgin qurbandaryn tolyq aqtaý jónindegi atqarylyp jatqan júmystar», «Táýelsizdik jyldaryndaǵy Shymkent qalasynyń damý tarıhy» jáne t.b. taqyryptarda sóz qozǵalyp, jastardyń oılary tyńdaldy.
