ەلباسى قاشاندا اتا-بابا سالت-ءداستۇرىن ساقتاۋدى الدىڭعى ورىنعا قويعان.بىرلىكتىڭ اۋىزبىرشىلىكتىڭ تەرەڭ تامىرى عاسىرلاردى ارتقا سالىپ قانىمىزبەن كەلە جاتقان قازاقيلىعىمىزدا ەكەنىن ءدۇيىم جۇرتقا ايتۋدان ەشقاشان جالىققان ەمەس.
جەتى سانى كيەلى سان.قازاقتا «جەتى قازىنا» بەرەكە مەن قۇت باق داۋلەت دەسە، «جەتى جارعى» ادىلەتتىكتىڭ تۋى-قازاق دالاسىنىڭ زاڭى. بابالارىمىز ىقلىم زاماننان ادىلەتتىككە سۇيەنىپ، جۇيەلى سوزگە تۇرعان، جەتى جارعىنىڭ-زاڭنىڭ ۇستەمدىگىن مويىنداعان. ەلباسىنىڭ قاي باعدارلامالىق قۇجاتىن الساڭىز دا ءبىر-بىرىمەن ۇشتاسىپ، بايلانىس ۇزىلمەيدى. ءبىرىنشى قۇجاتتاعى ينديكاتورلاردىڭ جالعاسى كەلەسى قۇجاتتا جاۋاپ بولىپ الدىڭىزدان شىعادى. وقىپ وتىرىپ ويدان وي تۋىنداعانىنا كوزىڭىز جەتەدى. جالپى ەلباسى رەفورمالارى ساباقتاس رەت-رەتىمەن جاسالىپ، كەزەڭ-كەزەڭگە ارنالىپ ابدەن سارالانىپ ناقتى مەجەلەرگە باعىتتالعان. ەلباسىنىڭ «جالپىعا بىردەي ەڭبەك قوعامىنا قاراي 20 قادامى»، «بولاشاققا باعدار رۋحاني جاڭعىرۋى»، «ۇلى دالانىڭ جەتى قىرى» ءبارى وسى «ەلدىكتىڭ جەتى تۇعىرىنىڭ» تابان تىرەپ كوتەرىلەر باسپالداعى.
ساياسي،الەۋمەتتىك،ەكونوميكالىق تۇرعىدان قاراساڭىز دا استارىندا وتاندى ءسۇيۋ، پاتريوتيزم جاتىر. جالاڭ ۇراندى پاتريوتيزم ەمەس شىنايىلىق، ەلگە دەگەن سۇيىسپەنشىلىككە شاقىرۋ.
ەلباسى ءاردايىم حالىقتىڭ ويىمەن ساناسىپ،ۋاقىت تالابىنا ۇتىمدى جاۋاپ بەرەدى.سوندىقتان بولار تۇڭعىش پرەزيدەنتىمىز ن،نازازارباەۆ 2011 جىلعى جولداۋىندا «حالىقتىڭ ەركى بارىنەن دە جوعارى» دەپ حالىق سوزىنە قۇلاق اساتىنىن ءبىر سويلەممەن-اق جەتكىزىپ ءتۇيىندى ءسوزدىڭ شۇرىپپەسىن دوپ باستى. ەلباسى جولداۋلارىندا قولدانىلعان ەۆوليۋتسيالىق دامۋ تىركەسى قوعام دامۋىنىڭ كريتەريى بولىپ قالا بەرەدى. ەۆوليۋتسيالىق دامۋ بارلىق سالادا رەت-رەتىمەن ورىندالىپ جاتقان بولسا، تەرەڭ تامىرى سالت-داستۇردە،ادەت عۇرىپتا قازاقي بولمىستا جاتىر. ۇلتتىق مىنەزبەن تاربيە العان ۇرپاق رۋحى مىقتى وتباسىنىڭ ۇستاحاناسىنان شىققان وتكىر قارۋ سياقتى. قاي جەردە بولماسىن وتكىرلىگىن كورسەتەدى
ەلدىك بولمىستىڭ وزەگىن جۇرەگىنىڭ تۇبىندە،ساناسىنىڭ تۇكپىرىندە، كوزىنىڭ وتىندا،تىلىندە ساقتايدى.وسىلايشا نامىستى، رۋحى اسقاق ۇلت قالىپتاساتىنىن كەلەشەكتىڭ كىلتى ءبىلىم مەن ەڭبەكتە،ۇلتتىق مادەنيەتتە ەكەنىن، وزگەلەردى وسىلايشا مويىنداتۋعا بولاتىنىن ەلباسى تاسقا تاڭبا سالعانداي،تايعا تاڭبا باسقانداي ەتىپ ۇرپاققا ۇندەۋ تاستادى.وتباسىن ساقتاۋدا اتا ءداستۇردىڭ ماڭىزدىلىعىنا ۇلكەن ءمان بەردى.
كۇنى كەشەگى كوشپەندىلەردىڭ ۇرپاعى، بۇگىنگى تاۋەلسىزدىك ءداۋىرىنىڭ ءتىرى تۋىندىسى ۇلتتىق داستۇرمەن،بىلىممەن قارۋلانعان وتانشىل نامىستى ۇرپاققا سەنىممەن قارايتىنى قۋانتتى،وسكەلەڭ ۇرپاقتى ىنتالاندىردى، جىلى لەبىزىمەن ماڭدايىنان سيپاي وتىرىپ شيراتتى،
ورتانى قاق جارىپ وي سالدى. ءمۇلت كەتكەن جوق. اتام قازاق اتالعالى ءجۇرىپ وتكەن قيلى زامانداردان، كونە سۇرلەۋلەردەن ارقالانىپ جەتكەن تاريحتى سانا سۇزگىسىنەن وتكىزىپ، قۇندىلىقتارىمىزدىڭ ەسكىرمەيتىندىگىن، جىكتەپ، زامان تالابىنا قاراي تولىقتىرىپ حالىققا جەتكىزدى. وشپەيتىن قۇندىلىقتارىمىزعا جەتى تۇعىرلاپ بارىپ توقتادى. ەلباسى «ەلدىكتىڭ جەتى تۇعىرى» قاعيداتتار جيىنتىعىندا ءوزىنىڭ ساياسي تاجىريبيەسىن ورتاعا سالدى، تاۋەلسىز ەلىمىزدىڭ كوشباسشىلىعىنىڭ ناقتى كورىنىستەرىن كورسەتتى.
نەنى نەگىزگە الۋ كەرەك، نەنى مويىنداۋ كەرەك دەگەندە تاۋەلسىزدىك- ەڭ باستى قۇندىلىعىمىز، تاۋەلسىزدىكتى ۇرپاقتان-ۇرپاققا شايقالتپاي جەتكىزۋ ءبارىمىزدىڭ پارىزىمىز دەگەن نۇكتەلى تۇجىرىم جاسادى.تاۋەلسىزدىكتى نىعايتۋ حالىقتىڭ ءوزىنىڭ قولىندا دەپ قوعامدىق ساناعا قوزعاۋ سالدى، پاتريوتتىق سەزىمنىڭ شوعىن ۇرلەدى. ەلباسىنىڭ ەلدىك دەگەن ءبىر اۋىز ءسوزى وزگە ۇلتتارعا، ۇلكەن-كىشىگە، كوپكە وي سالدى، بىرلىككە، بىراۋىزدىلىققا، ىنتىماققا شاقىردى. تاۋەلسىز ەل بولىپ الەمگە تانىلدىق،الەم كارتاسىندا قازاقستان دەگەن مەملەكەت پايدا بولدى،وسى ۋاقىت ىشىندە 9,5 ميلليون ءسابي دۇنيەگە كەلدى دەدى. ەلباسىنىڭ تاباندىلىعىنىڭ ارقاسىندا بەيبىت جولمەن شەكارامىز شەگەندەلدى،حالىقارالىق كەلىسىم-شارتتار تۇزىلدى.بۇل تاۋەلسىز ەلىمىز ءۇشىن ۇلكەن جەتىستىك،شەكارا بەلگىلەنىپ بەكىتىلمەسە جەرىنىڭ كولەمى بويىنشا الەمدە 9-شى ورىندامىز دەگەن سوزدەرىمىز قۇر كوپىرۋ بوس ءسوز بولار ەدى. رەسەي مەن قىتاي ەلدەرى سياقتى الپاۋىت ەلدەرمەن شەكارالاسپىز.
2018 جىلى كاسپي سامميتىندە كاسپي تەڭىزىندەگى شەكارامىز الدىن-الا ساراپشىلاردىڭ. ءتيىستى جۇمىس توبىنىڭ تالداۋىمەن بەس ەلمەن ورتاق كەلىسىم ارقىلى شەشىلدى. تاۋەلسىزدىك-جەر-بىرلىك ۇشتاعان ۇعىمدارى عانا بولاشاققا ءتۇزۋ جول سالاتىن وركەندەۋدىڭ ارقاۋى.
ەلباسى بۇكىل جۇرتشىلىقتى ۇلتتار بىرلىگىنىڭ يادروسى- ماڭگىلىك ەل يدەياسى اياسىندا ادىلەتتى الەۋمەتتىك قۋاتتى ەكونوميكالى قوعام دامۋى جولىندا مەملەكەت باسشىسى پرەزيدەنتىمىز قاسىم-جومارت توقاەۆتىڭ توڭىرەگىنە شوعىرلاندىرۋعا شاقىردى. قۇندىلىقتارىمىز بارىمىزگە ورتاق دەگەن ويدى ەلدىك دەگەن بىر-اق سوزبەن،ءبىر عانا ۇعىممەن جەتكىزدى. ەلدى وركەندەتۋ ءۇشىن قازاقي بولمىسىمىزدى،ۇلتتىق مادەنيەتتىڭ مايەگىن ساقتاي وتىرىپ، تەرەڭ بىلىمگە،عىلىمعا بويۇسىنۋ ونى تىنىمسىز ەڭبەكپەن ۇشتاستىرۋ ۇلتتىڭ وركەنيەتتى بولۋىنا تىكەلەي اسەرى بارىن،مىقتى ەكونوميكاسى دامىعان قوعام سوندا عانا وركەندەيتىنىن ايتتى. وسىنىڭ ءبارى بابالار مۇرا ەتىپ قالدىرعان سالت-ءداستۇر،ادەت-عۇرىپ تاربيەلى وتباسىنىڭ، ءبىلىم مەن ەڭبەك،باسەكەگە قابىلەتتىلىك پراگماتيزمدى وسى جەتى تۇعىرعا جيناقتادى.باردىڭ قادىرىن ءبىلۋ ۇنەمدەۋ ۇعىمدارىن باسەكەگە قابىلەتتىلىكپەن، پراگماتيزممەن بايلانىستىردى. وتىز ەلدىڭ قاتارىنا قوسىلۋعا ماتەريالدىق قۇندىلىقتارمەن قاتار رۋحاني قۇندىلىق قاجەت دەي كەلە، «جەتى تۇعىردىڭ» تامىزىعى رۋحاني قۇندىلىق ەكەنىنە باسىمدىق بەردى.
وسىلايشا ەلدىكتى نىعايتۋدىڭ جاڭا كەزەڭى باستالدى، وعان باعدار بەرەتىن جول سىلتەۋ كارتاسى- «ەلدىكتىڭ جەتى تۇعىرى»دۇنيەگە كەلدى.
ەلباسىنىڭ «ەلدىكتىڭ جەتى تۇعىرى»- حالىققا جولداعان وي ۇزارتارى، سانانى قوزعايتىن يدەولوگيالىق سيپاتتاعى ماقساتتى جوسپارى.
جانتورەەۆا كالىيما
«Nur Otan» پارتياسى تۇركىستان وبلىستىق فيليالى توراعاسىنىڭ ورىنباسارى، وبلىستىق ءماسليحاتتىڭ دەپۋتاتى
