Elbasy qashanda ata-baba salt-dástúrin saqtaýdy aldyńǵy orynǵa qoıǵan.Birliktiń aýyzbirshiliktiń tereń tamyry ǵasyrlardy artqa salyp qanymyzben kele jatqan qazaqılyǵymyzda ekenin dúıim jurtqa aıtýdan eshqashan jalyqqan emes.
Jeti sany kıeli san.Qazaqta «Jeti qazyna» bereke men qut baq dáýlet dese, «Jeti jarǵy» ádilettiktiń týy-qazaq dalasynyń zańy. Babalarymyz yqlym zamannan ádilettikke súıenip, júıeli sózge turǵan, Jeti jarǵynyń-zańnyń ústemdigin moıyndaǵan. Elbasynyń qaı baǵdarlamalyq qujatyn alsańyz da bir-birimen ushtasyp, baılanys úzilmeıdi. Birinshi qujattaǵy ındıkatorlardyń jalǵasy kelesi qujatta jaýap bolyp aldyńyzdan shyǵady. Oqyp otyryp oıdan oı týyndaǵanyna kózińiz jetedi. Jalpy Elbasy reformalary sabaqtas ret-retimen jasalyp, kezeń-kezeńge arnalyp ábden saralanyp naqty mejelerge baǵyttalǵan. Elbasynyń «Jalpyǵa birdeı Eńbek qoǵamyna qaraı 20 qadamy», «Bolashaqqa baǵdar Rýhanı jańǵyrýy», «Uly dalanyń jeti qyry» bári osy «Eldiktiń jeti tuǵyrynyń» taban tirep kóteriler baspaldaǵy.
Saıası,áleýmettik,ekonomıkalyq turǵydan qarasańyz da astarynda otandy súıý, patrıotızm jatyr. Jalań urandy patrıotızm emes shynaıylyq, elge degen súıispenshilikke shaqyrý.
Elbasy árdaıym halyqtyń oıymen sanasyp,ýaqyt talabyna utymdy jaýap beredi.Sondyqtan bolar Tuńǵysh Prezıdentimiz N,Nazazarbaev 2011 jylǵy Joldaýynda «Halyqtyń erki bárinen de joǵary» dep halyq sózine qulaq asatynyn bir sóılemmen-aq jetkizip túıindi sózdiń shúrippesin dóp basty. Elbasy Joldaýlarynda qoldanylǵan evolıýııalyq damý tirkesi qoǵam damýynyń krıterıi bolyp qala beredi. Evolıýııalyq damý barlyq salada ret-retimen oryndalyp jatqan bolsa, tereń tamyry salt-dástúrde,ádet ǵurypta qazaqı bolmysta jatyr. Ulttyq minezben tárbıe alǵan urpaq rýhy myqty otbasynyń ustahanasynan shyqqan ótkir qarý sııaqty. Qaı jerde bolmasyn ótkirligin kórsetedi
Eldik bolmystyń ózegin júreginiń túbinde,sanasynyń túkpirinde, kóziniń otynda,tilinde saqtaıdy.Osylaısha namysty, rýhy asqaq ult qalyptasatynyn keleshektiń kilti bilim men eńbekte,ulttyq mádenıette ekenin, ózgelerdi osylaısha moıyndatýǵa bolatynyn Elbasy tasqa tańba salǵandaı,taıǵa tańba basqandaı etip urpaqqa úndeý tastady.Otbasyn saqtaýda ata dástúrdiń mańyzdylyǵyna úlken mán berdi.
Kúni keshegi kóshpendilerdiń urpaǵy, búgingi táýelsizdik dáýiriniń tiri týyndysy ulttyq dástúrmen,bilimmen qarýlanǵan otanshyl namysty urpaqqa senimmen qaraıtyny qýantty,óskeleń urpaqty yntalandyrdy, jyly lebizimen mańdaıynan sıpaı otyryp shıratty,
ortany qaq jaryp oı saldy. Múlt ketken joq. Atam qazaq atalǵaly júrip ótken qıly zamandardan, kóne súrleýlerden arqalanyp jetken tarıhty sana súzgisinen ótkizip, qundylyqtarymyzdyń eskirmeıtindigin, jiktep, zaman talabyna qaraı tolyqtyryp halyqqa jetkizdi. Óshpeıtin qundylyqtarymyzǵa Jeti tuǵyrlap baryp toqtady. Elbasy «Eldiktiń jeti tuǵyry» qaǵıdattar jıyntyǵynda óziniń saıası tájirıbıesin ortaǵa saldy, táýelsiz elimizdiń kóshbasshylyǵynyń naqty kórinisterin kórsetti.
Neni negizge alý kerek, neni moıyndaý kerek degende táýelsizdik- eń basty qundylyǵymyz, táýelsizdikti urpaqtan-urpaqqa shaıqaltpaı jetkizý bárimizdiń paryzymyz degen núkteli tujyrym jasady.Táýelsizdikti nyǵaıtý halyqtyń óziniń qolynda dep qoǵamdyq sanaǵa qozǵaý saldy, patrıottyq sezimniń shoǵyn úrledi. Elbasynyń eldik degen bir aýyz sózi ózge ulttarǵa, úlken-kishige, kópke oı saldy, birlikke, biraýyzdylyqqa, yntymaqqa shaqyrdy. Táýelsiz el bolyp álemge tanyldyq,álem kartasynda Qazaqstan degen memleket paıda boldy,osy ýaqyt ishinde 9,5 mıllıon sábı dúnıege keldi dedi. Elbasynyń tabandylyǵynyń arqasynda beıbit jolmen shekaramyz shegendeldi,halyqaralyq kelisim-sharttar túzildi.Bul táýelsiz elimiz úshin úlken jetistik,shekara belgilenip bekitilmese jeriniń kólemi boıynsha álemde 9-shy oryndamyz degen sózderimiz qur kópirý bos sóz bolar edi. Reseı men Qytaı elderi sııaqty alpaýyt eldermen shekaralaspyz.
2018 jyly Kaspıı sammıtinde Kaspıı teńizindegi shekaramyz aldyn-ala sarapshylardyń. tıisti jumys tobynyń taldaýymen bes elmen ortaq kelisim arqyly sheshildi. Táýelsizdik-jer-birlik úshtaǵan uǵymdary ǵana bolashaqqa túzý jol salatyn órkendeýdiń arqaýy.
Elbasy búkil jurtshylyqty Ulttar birliginiń ıadrosy- Máńgilik El ıdeıasy aıasynda ádiletti áleýmettik qýatty ekonomıkaly qoǵam damýy jolynda Memleket Basshysy Prezıdentimiz Qasym-Jomart Toqaevtyń tóńiregine shoǵyrlandyrýǵa shaqyrdy. Qundylyqtarymyz bárimizge ortaq degen oıdy eldik degen bir-aq sózben,bir ǵana uǵymmen jetkizdi. Eldi órkendetý úshin qazaqı bolmysymyzdy,ulttyq mádenıettiń máıegin saqtaı otyryp, tereń bilimge,ǵylymǵa boıusyný ony tynymsyz eńbekpen ushtastyrý ulttyń órkenıetti bolýyna tikeleı áseri baryn,myqty ekonomıkasy damyǵan qoǵam sonda ǵana órkendeıtinin aıtty. Osynyń bári babalar mura etip qaldyrǵan salt-dástúr,ádet-ǵuryp tárbıeli otbasynyń, bilim men eńbek,básekege qabilettilik pragmatızmdi osy jeti tuǵyrǵa jınaqtady.Bardyń qadirin bilý únemdeý uǵymdaryn básekege qabilettilikpen, pragmatızmmen baılanystyrdy. Otyz eldiń qataryna qosylýǵa materıaldyq qundylyqtarmen qatar rýhanı qundylyq qajet deı kele, «Jeti tuǵyrdyń» tamyzyǵy rýhanı qundylyq ekenine basymdyq berdi.
Osylaısha eldikti nyǵaıtýdyń jańa kezeńi bastaldy, oǵan baǵdar beretin jol silteý kartasy- «Eldiktiń jeti tuǵyry»dúnıege keldi.
Elbasynyń «Eldiktiń jeti tuǵyry»- halyqqa joldaǵan oı uzartary, sanany qozǵaıtyn ıdeologııalyq sıpattaǵy maqsatty jospary.
Jantóreeva Kalyıma
«Nur Otan» partııasy Túrkistan oblystyq fılıaly tóraǵasynyń orynbasary, Oblystyq máslıhattyń depýtaty