شىمكەنتتىڭ دامۋى مەملەكەت باسشىسىنىڭ تۇراقتى نازارىندا ەكەنىن ورتالىق كوممۋنيكاتسيالار قىزمەتىندە وتكەن بريفينگتە شىمكەنت قالاسىنىڭ اكىمى مۇرات ايتەنوۆ مالىمدەدى. شاھاردىڭ ءومىر سۇرۋگە جايلى قالاعا اينالۋى جانە مۇندا قاۋىپسىز ورتا قالىپتاستىرۋ جۇمىستارى جوسپارلى تۇردە ىسكە اسىپ جاتقانىن جەتكىزدى.
«قالادا 747 الەۋمەتتىك ماڭىزى بار كوشەلەردىڭ 220-سى جارىقتاندىرىلعان. اعىمداعى جىلى مەملەكەتتىك-جەكەشەلىك ارىپتەستىگى اياسىندا 71 كوشەدە قۇرىلىس جۇمىستارى اياقتالدى. ناتيجەسىندە، جارىقتاندىرۋ دەڭگەيى 29 پايىزدان 43 پايىزعا جەتەدى. 2025 جىلى 75 پايىزعا جەتكىزۋ كوزدەلگەن»، - دەدى قالا اكىمى.
ەلىمىزدەگى ءۇشىنشى مەگاپوليستە قوعامدىق قاۋىپسىزدىكتى قامتاماسىز ەتۋ ءۇشىن جاڭادان 3177 بەينەباقىلاۋ كامەرالارى ورناتىلعان. ناتيجەسىندە، قالا اۋماعىن شولۋ كورسەتكىشى 3 ەسەگە ارتقان. بۇل شارالار قىلمىس پەن قۇقىقبۇزۋشىلىقتىڭ الدىن-الۋعا ۇلكەن سەپتىگىن تيگىزۋدە. قازىردىڭ وزىندە بىرقاتار كورسەتكىشتەردىڭ جاقسارعانى بايقالادى. سالىستىرمالى تۇردە ايتار بولساق، اعىمداعى جىلدىڭ 11 ايىندا جالپى قىلمىستاردىڭ سانى 6 پايىزعا ازايعان. سونىمەن بىرگە، حالىق تىعىز ورنالاسقان شاعىن اۋدانداردا زاماناۋي 100 ءموبيلدى پوليتسيا بەكەتىن سالۋ جوسپارلانعان. قازىرگى تاڭدا، 7 ءموبيلدى بەكەتتىڭ قۇرىلىسى اياقتالۋعا جاقىن. كەلەسى جىلى بۇل باعىتتا قارقىندى جۇمىستار جۇرگىزىلمەك.
شىمكەنت قالاسى اكىمدىگىنىڭ ءباسپاسوز قىزمەتى
