ەڭبەكشى اۋدانىندا «حالىق ۇنىنە قۇلاق اساتىن مەملەكەت» تۇجىرىمداسى اياسىندا «حالىق قاتىساتىن بيۋدجەت» جوباسى جۇزەگە اسىرىلۋدا.
اۋدان اۋماعىندا جوباعا سايكەس، 41 كوپقاباتتى ءۇيدىڭ اۋلاسىنىڭ 34-ءى بۇگىنگى تاڭدا اباتتاندىرىلعان. ال، قالعان 7 ءۇيدىڭ اۋلاسى جىل سوڭىنا دەيىن تولىق پايدالانۋعا تاپسىرىلادى.
جوبا شەڭبەرى اياسىندا، 17 شاعىناۋدانداعى №6,7 جانە 8 كوپقاباتتى ۇيلەردىڭ اۋلاسىنداعى بالالار ويىن الاڭشاسى پايدالانۋعا بەرىلدى.
ويىن الاڭشاسىنىڭ اشىلۋىنا «Nur Otan» پارتياسىنىڭ شىمكەنت قالالىق فيليالىنىڭ «وتباسى، ايەلدەر جانە بالالاردىڭ قۇقىقتارىن قورعاۋ» ماسەلەلەرى جونىندەگى قوعامدىق كەڭەستىڭ ءتورايىمى شۋنگاراەۆا گۇلايىم اسكەرقىزى، «Nur Otan» پارتياسى ەڭبەكشى اۋداندىق فيليالىنا قاراستى «جاسۇلان» باستاۋىش پارتيا ۇيىمىنىڭ توراعاسى تاسمۇرزاەۆ ابۋالي شالداربەكۇلى جانە ەڭبەكشى اۋدانى اكىمىنىڭ ورىنباسارى د.امانگەلديەۆ قاتىستى. ەل تاۋەلسىزدىگىنىڭ 30 جىلدىعى قارساڭىندا اشىلعان بالالار الاڭشاسىنا، تۇرعىندار ءوز العىسىن جەتكىزدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
