Eńbekshi aýdanynda «Halyq únine qulaq asatyn memleket» tujyrymdasy aıasynda «Halyq qatysatyn bıýdjet» jobasy júzege asyrylýda.
Aýdan aýmaǵynda jobaǵa sáıkes, 41 kópqabatty úıdiń aýlasynyń 34-i búgingi tańda abattandyrylǵan. Al, qalǵan 7 úıdiń aýlasy jyl sońyna deıin tolyq paıdalanýǵa tapsyrylady.
Joba sheńberi aıasynda, 17 shaǵynaýdandaǵy №6,7 jáne 8 kópqabatty úılerdiń aýlasyndaǵy balalar oıyn alańshasy paıdalanýǵa berildi.
Oıyn alańshasynyń ashylýyna «Nur Otan» partııasynyń Shymkent qalalyq fılıalynyń «Otbasy, áıelder jáne balalardyń quqyqtaryn qorǵaý» máseleleri jónindegi qoǵamdyq keńestiń tóraıymy Shýngaraeva Gúlaıym Áskerqyzy, «Nur Otan» partııasy Eńbekshi aýdandyq fılıalyna qarasty «Jasulan» bastaýysh partııa uıymynyń tóraǵasy Tasmurzaev Abýalı Shaldarbekuly jáne Eńbekshi aýdany ákiminiń orynbasary D.Amangeldıev qatysty. El Táýelsizdiginiń 30 jyldyǵy qarsańynda ashylǵan balalar alańshasyna, turǵyndar óz alǵysyn jetkizdi.
Shymkent qalasynyń Aqparattyq-kommýnıkaııalyq ortalyǵy
