شىمكەنت قالاسىنىڭ اكىمى مۇرات ايتەنوۆ ازاماتتاردى جەكە ماسەلەلەرى بويىنشا قوعامدىق قابىلداۋ وتكىزدى. قابىلداۋعا 11 ازامات جازىلىپ، وتىنىشتەرىن ءبىلدىردى. تۇرعىندار نەگىزىنەن تۇرعىن ءۇي، الەۋمەتتىك سالا، ينفراقۇرىلىم ماسەلەلەرى بويىنشا تالاپ-تىلەكتەرىن جەتكىزدى.
قاراتاۋ اۋدانى بوزارىق ەلدى مەكەنىنىڭ تۇرعىنى الماسحان ەسپاەۆ تاسكەن شاعىناۋدانى تۇرعىندارىنا ءوز ەسەبىنەن اۋىز سۋ جۇيەسىن جۇرگىزگەن، ونى كوممۋنالدىق مەنشىككە قابىلداۋعا ىقپال ەتۋدى سۇرايدى.
قالا اكىمى بۇل ازاماتتىڭ ءوتىنىشىن جەكە باقىلاۋىنا الىپ، ءتيىستى جۇمىستاردى ۇيىمداستىرۋدى ورىنباسارى ماۋلەن ايمانبەتوۆكە تاپسىردى. قازىر جاۋاپتى ۇيىم تاراپىنان جۇرگىزىلگەن سۋ قۇبىرىنىڭ سىزباسى دايىندالۋدا. جۇيەنىڭ تەحنيكالىق قۇجاتى دايىن بولعان سوڭ، اۋماق تۇرعىندارىمەن جالپى جينالىس وتەتىن بولادى. قوعامدىق تىڭداۋدىڭ قورىتىندىسىمەن، اۋىز سۋ جۇيەسى، قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ جاۋاپكەرشىلىگىنە وتكىزىلمەك.
«ءنۇرسات» شاعىناۋدانىنىڭ تۇرعىنى، 5 تۇل جەتىم بالانىڭ اجەسى – اسىراۋشىسى قىزايىم بايعازيەۆا تۇرعىن ءۇي جانە الەۋمەتتىك كومەك بەرۋ ماسەلەسىن كوتەردى. قامقورلىقتاعى بالالاردىڭ ۇلكەنى تۇرعىن ءۇي كەزەگىنە 2015 جىلى تىركەلگەنى اتاپ ءوتىلىپ، مەملەكەتتىك تۇرعىن ءۇي قورىنان بەرىلەتىن باسپانا زاڭ شەڭبەرىندە كەزەك رەتىمەن تابىستالاتىنى ءتۇسىندىرىلدى.
اباي اۋدانى جايلاۋ شاعىناۋدانىنىڭ تۇرعىنى ايگەرىم ورىنباساروۆا 2018 جىلدان بەرى باسپانا كەزەگىندە تۇرعاندىعىن ايتىپ، تۇرعىن ءۇي الۋعا جاردەم بەرۋىن سۇرايدى.
قالا اكىمى مەملەكەتتىك تۇرعىن ءۇي قورىنان تۇرعىن ءۇي بەلگىلەنگەن تارتىپپەن كەزەك ارقىلى بەرىلەتىنىن اتاپ ءوتتى. بيىلعى جىلى قالامىز بويىنشا جەتىم جانە اتا-اناسىنىڭ قامقورلىعىنسىز قالعان بالالار ساناتى بويىنشا 60 ازاماتتىڭ پاتەرمەن قامتىلۋى جوسپارلانعانىن جەتكىزدى. ونىڭ ىشىندە 25 پاتەر پايدالانۋعا بەرىلگەن. قالعان 35 پاتەر قۇرىلىس باسقارماسى تاراپىنان پايدالانۋعا تاپسىرىلۋىنا سايكەس ازاماتتارعا بەرىلەتىنىن حابارلادى.
سونداي-اق، قالا اكىمىنىڭ قوعامدىق قابىلداۋىنا جازىلعان پ.تۇربەكوۆ، گ.ەسمۇرزاەۆا جەر ۋچاسكەلەرى بويىنشا ماسەلەلەرىن كوتەردى. شاھار باسشىسى تۇرعىنداردىڭ وتىنىشتەرىن مۇقيات تىڭداپ، جەر ۋچاسكەلەرىن زاڭداستىرۋ بويىنشا تۋىنداعان بارلىق ماسەلەلەر زاڭ تالاپتارى اياسىندا شەشىلەتىنىن مالىمدەدى.
شىمكەنت قالاسى اكىمدىگىنىڭ ءباسپاسوز قىزمەتى
