مەملەكەت باسشىسى بيىلعى حالىققا ارناعان جولداۋىندا وڭىرلەردى دامىتۋدىڭ ۇلتتىق جوباسى اياسىندا بەس جىل ىشىندە حالىقتىڭ 100 پايىزىن تازا اۋىز سۋمەن قامتاماسىز ەتۋدى تاپسىرعان بولاتىن.
ەلىمىزدىڭ ءۇشىنشى مەگاپوليسىندەگى تۇرعىنداردى تازا اۋىز سۋمەن قامتۋ باعىتىندا جۇيەلى جۇمىستار اتقارىلۋدا.
اتاپ ايتقاندا وسى جىلى 14 نىساننىڭ قۇرىلىس جۇمىستارى جۇرگىزىلدى. ونىڭ ۇشەۋى جالپى ۇزىندىعى 30 شاقىرىمدى قۇرايتىن ماگيسترالدى سۋ قۇبىرى جانە 11 ەلدىمەكەندە ىشكى ورام جۇيەلەرى.
ناتيجەسىندە 10 ەلدى مەكەن ساپالى اۋىز سۋمەن قامتىلدى. تۇرعىندارعا سۋ بەرۋ جۇمىسى (ابونەنتتەۋ) كەزەڭ-كەزەڭىمەن اتقارىلۋدا.
جالپى قالادا 81 ەلدى-مەكەننىڭ 69-ى ساپالى اۋىز سۋمەن قامتاماسىز ەتىلگەن.
تاسىمالداپ ىشەتىن 7 ەلدىمەكەننىڭ بارلىعىندا اۋىز سۋ ماسەلەسى شەشىلدى. ولار: تۇران، اسار-2, سولتۇستىك ساياجاي، ىنتىماق-2, باتىس، جاڭاتۇرلان جانە اقتاس-2 ەلدىمەكەندەرى.
وعان قوسا، كەستە بويىنشا تۇتىنىپ كەلگەن جاڭاتالاپ جانە ساۋلە (276 ورام) تۇرعىندارى دا مەملەكەتتىك ساپالى اۋزى سۋعا قول جەتكىزدى. قالانىڭ جاڭاقۇرىلىس اۋماعىندا ورنالاسقان نۇرتاس ەلدىمەكەنىندەگى اۋىز سۋ جۇيەسى قۇرىلىس جۇمىستارى اياقتالىپ، ەل يگىلىگىنە پايدالانۋعا بەرىلدى.
جىل سوڭىنا دەيىن 3-مەگاپوليستىڭ ساپالى اۋىز سۋمەن قامتىلۋ كورسەتكىشى 95,6%-دان - 98%-عا جەتپەك.
قۇرىلىسى اعىمداعى جىلى باستالعان قۇرساي ەلدىمەكەنى كەلەر جىلى ساپالى اۋىز سۋمەن قامتىلادى.
سايرام، قايناربۇلاقتا قۇرىلىس جۇمىستارى 2022 دە جۇرگىزىلەدى.
2023 جىلعا دەيىن قالا تۇرعىندارىن 100% ساپالى اۋىز سۋمەن قامتۋ جوسپاردا.
شىمكەنت قالاسى اكىمدىگىنىڭ ءباسپاسوز قىزمەتى
