Memleket basşysy biylǧy halyqqa arnaǧan Joldauynda öŋırlerdı damytudyŋ ūlttyq jobasy aiasynda bes jyl ışınde halyqtyŋ 100 paiyzyn taza auyz sumen qamtamasyz etudı tapsyrǧan bolatyn.
Elımızdıŋ üşınşı megapolisındegı tūrǧyndardy taza auyz sumen qamtu baǧytynda jüielı jūmystar atqaryluda.
Atap aitqanda osy jyly 14 nysannyŋ qūrylys jūmystary jürgızıldı. Onyŋ üşeuı jalpy ūzyndyǧy 30 şaqyrymdy qūraityn magistraldy su qūbyry jäne 11 eldımekende ışkı oram jüielerı.
Nätijesınde 10 eldı meken sapaly auyz sumen qamtyldy. Tūrǧyndarǧa su beru jūmysy (abonentteu) kezeŋ-kezeŋımen atqaryluda.
Jalpy qalada 81 eldı-mekennıŋ 69-y sapaly auyz sumen qamtamasyz etılgen.
Tasymaldap ışetın 7 eldımekennıŋ barlyǧynda auyz su mäselesı şeşıldı. Olar: Tūran, Asar-2, Soltüstık saiajai, Yntymaq-2, Batys, Jaŋatūrlan jäne Aqtas-2 eldımekenderı.
Oǧan qosa, keste boiynşa tūtynyp kelgen Jaŋatalap jäne Säule (276 oram) tūrǧyndary da memlekettık sapaly auzy suǧa qol jetkızdı. Qalanyŋ jaŋaqūrylys aumaǧynda ornalasqan Nūrtas eldımekenındegı auyz su jüiesı qūrylys jūmystary aiaqtalyp, el igılıgıne paidalanuǧa berıldı.
Jyl soŋyna deiın 3-megapolistıŋ sapaly auyz sumen qamtylu körsetkışı 95,6%-dan - 98%-ǧa jetpek.
Qūrylysy aǧymdaǧy jyly bastalǧan Qūrsai eldımekenı keler jyly sapaly auyz sumen qamtylady.
Sairam, Qainarbūlaqta qūrylys jūmystary 2022 de jürgızıledı.
2023 jylǧa deiın qala tūrǧyndaryn 100% sapaly auyz sumen qamtu josparda.
Şymkent qalasy äkımdıgınıŋ baspasöz qyzmetı
