قاراتاۋ اۋدانىنىڭ جاڭاقۇرىلىس اۋماعىندا ورنالاسقان نۇرتاس شاعىناۋدانىن ينفراقۇرىلىممەن قامتۋ ءۇشىن بيىلعى جىلى بىرقاتار جۇمىستار اتقارىلدى. بۇل جۇمىستار مەملەكەت باسشىسىنىڭ حالىقتىڭ ءومىر سۇرۋىنە قولايلى ءارى ىڭعايلى جاعداي جاساۋ تاپسىرماسى نەگىزىندە جۇزەگە اسىرىلۋدا.
ناتيجەسىندە بۇگىن نۇرتاس شاعىن اۋدان تۇرعىندارى ساپالى اۋىز سۋمەن قامتىلدى.
بۇل شاعىن اۋدانعا جالپى ۇزىندىعى 40,8 شاقىرىمدى قۇرايتىن سۋ قۇبىرى ورناتىلىپ، تۇرعىندارعا سۋ بەرۋ جۇمىسى كەزەڭ-كەزەڭىمەن اتقارىلىپ جاتىر.
سونداي-اق، نۇرتاس ش/ا ساپالى ەلەكتر قۋاتىمەن قامتۋ جۇمىسى وسى جىلدىڭ قازان ايىندا باستالدى. بۇگىنگە دەيىن 300-گە جۋىق ەلەكتر باعانالارى ورناتىلعان. بىراق، نىسان قۇرىلىسى 2022 جىلعا وتپەلى. سوندىقتان، نۇرتاستىقتار كەلەسى جىلى ساپالى ەلەكتر قۋاتىمەن قامتىلاتىن بولادى.
ال اتالعان شاعىن اۋداندى تابيعي گازبەن قامتۋ ءۇشىن مەردىگەر مەكەمە دە انىقتالدى. قۇبىر تارتۋ جۇمىسى 2022 جىلدىڭ كوكتەم ايلارىندا باستالادى.
سونىمەن قاتار، شاعىن اۋدانداعى گۇلدالا مەن اقبوتا كوشەلەرىنە كوشە جارىقشامدارى ورناتىلعان. جىل سوڭىنا دەيىن زەرە كوشەسى دە جارىقتاندىرىلاتىن بولادى.
شىمكەنت قالاسى اكىمدىگىنىڭ ءباسپاسوز قىزمەتى
