Nurtas shaǵyn aýdan turǵyndary sapaly aýyz sýmen qamtylady

2854
Adyrna.kz Telegram

Qarataý aýdanynyń jańaqurylys aýmaǵynda ornalasqan Nurtas shaǵynaýdanyn ınfraqurylymmen qamtý úshin bıylǵy jyly birqatar jumystar atqaryldy. Bul jumystar Memleket basshysynyń halyqtyń ómir súrýine qolaıly ári yńǵaıly jaǵdaı jasaý tapsyrmasy negizinde júzege asyrylýda.

Nátıjesinde búgin Nurtas shaǵyn aýdan turǵyndary sapaly aýyz sýmen qamtyldy.

Bul shaǵyn aýdanǵa jalpy uzyndyǵy 40,8 shaqyrymdy quraıtyn sý qubyry ornatylyp, turǵyndarǵa sý berý jumysy kezeń-kezeńimen atqarylyp jatyr.

Sondaı-aq, Nurtas sh/a sapaly elektr qýatymen qamtý jumysy osy jyldyń qazan aıynda bastaldy. Búginge deıin 300-ge jýyq elektr baǵanalary ornatylǵan. Biraq, nysan qurylysy 2022 jylǵa ótpeli. Sondyqtan, nurtastyqtar kelesi jyly sapaly elektr qýatymen qamtylatyn bolady.

Al atalǵan shaǵyn aýdandy tabıǵı gazben qamtý úshin merdiger mekeme de anyqtaldy. Qubyr tartý jumysy 2022 jyldyń kóktem aılarynda bastalady.

Sonymen qatar, shaǵyn aýdandaǵy Gúldala men Aqbota kóshelerine kóshe jaryqshamdary ornatylǵan. Jyl sońyna deıin Zere kóshesi de jaryqtandyrylatyn bolady.

Shymkent qalasy ákimdiginiń baspasóz qyzmeti

Pikirler