الاش اقىرى وكتيابردى جەڭدى! — قازىبەك يسا

593

وكتيابر اتى ءوشىپ، ءاليحان اۋدانىنا اينالدى!

بيىل ءتاۋ ەتەر تاۋەلسىزدىگىمىزدىڭ 30 جىلدىق مەرەكەسى!
الاش كوسەمى ءاليحان بوكەيحاننىڭ 155 جىلدىعى!
تاۋەلسىزدىكتىڭ قارلىعاشى جەلتوقسان كوتەرىلىسىنىڭ 35 جىلدىعى!

كەشە عانا قاراعاندى قالاسىنداعى وكتيابر اۋدانى ءاليحان اۋدانى بولىپ وزگەرتىلگەنى تۋرالى شەشىم شىقتى!

ءاليحاننىڭ 150 جىلدىعىندا بەرىلۋى ءتيىس ەدى اۋدان اتى. اقوردا كەلىسىم بەرىپ قويعان ماسەلە قاراعاندىداعى 3-4 كوممۋنيست كەمپىر-شالدىڭ قارسى بولۋىنا بولا 5 جىل كەشىكتى! نە دەگەن ەلمىز دەسەيشى! ەشقانداي ەل ەسىتپەي-اق قويسىن مۇنى….
بۇعان دا شۇكىرشىلىك، ۇزاعىنان ءسۇيىندىرسىن!

ءاليحان اتىن ۇلىقتاۋدى “اق جول” پارتياسى بۇدان 15 جىل بۇرىن دا، 5 جىل بۇرىن دا، بيىل 9 اي بۇرىن دا جازعان ەدىك. الاش پەن ءاليحاننىڭ 155 جىلدىعىنا ارنالعان 2021 جىلى 3 ناۋرىزداعى جانە 14 ساۋىردەگى “اق جول” فراكتسياسىنىڭ ەكى دەپۋتاتتىق ساۋالىن جاساعانىمىزدا دا “وكتيابر اۋدانى ءاليحان اتىنا اۋىسادى” دەپ ايتىپ تا، جازىپ تا جىبەرىپ ەدىك.
سول شەشىم ەندى شىقتى.

كەشە ءاليحان بوكەيحاننىڭ 155 جىلدىعى جانە ەل تاۋەلسىزدىگىنىڭ 30 جىلدىعى مەرەكەسى قارساڭىندا، قاراعاندى وبلىسى قاراعاندى قالاسىنىڭ كەلەسى قۇرامداس بولىگى: وكتيابر اۋدانى – ءاليحان بوكەيحان اتىنداعى اۋدان بولىپ قايتا اتالسىن دەپ قاراعاندى وبلىسىنىڭ اكىمدىگى قاۋلىسى جانە قاراعاندى وبلىستىق ءماسليحاتى شەشىمى قابىلداندى.

الاش اقىرى وكتيابردى جەڭدى!
وكتيابر اتى ءوشىپ، ءاليحان اۋدانىنا اينالدى!
9 اي بۇرىن ايتقان ءسوزىمىز دە زاڭدى كۇشىنە ەندى!

قۇتتى بولسىن قازاق ەلى!!!
اللا الاشقا جار بولسىن!

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket