Alaş aqyry Oktiabrdı jeŋdı! — Qazybek İsa

Oktiabr aty öşıp, ÄLİHAN audanyna ainaldy! Biyl täu eter Täuelsızdıgımızdıŋ 30 jyldyq merekesı! Alaş kösemı Älihan Bökeihannyŋ 155 jyldyǧy! Täuelsızdıktıŋ qarlyǧaşy Jeltoqsan köterılısınıŋ 35 jyldyǧy! Keşe ǧana Qaraǧandy qalasyndaǧy Oktiabr audany Älihan audany bolyp özgertılgenı turaly şeşım şyqty! Älihannyŋ 150 jyldyǧynda berıluı tiıs edı audan aty. Aqorda kelısım berıp qoiǧan mäsele Qaraǧandydaǧy 3-4 kommunist kempır-şaldyŋ qarsy boluyna bola 5 jyl keşıktı! Ne degen elmız deseişı! Eşqandai el esıtpei-aq qoisyn mūny…. Būǧan da şükırşılık, ūzaǧynan süiındırsın! Älihan atyn ūlyqtaudy “Aq jol” partiiasy būdan 15 jyl būryn da, 5 jyl būryn da, biyl 9 ai būryn da jazǧan edık. Alaş pen Älihannyŋ 155 jyldyǧyna arnalǧan 2021 jyly 3 nauryzdaǧy jäne 14 säuırdegı “Aq jol” fraksiiasynyŋ ekı deputattyq saualyn jasaǧanymyzda da “Oktiabr audany Älihan atyna auysady” dep aityp ta, jazyp ta jıberıp edık. Sol şeşım endı şyqty. Keşe Älihan Bökeihannyŋ 155 jyldyǧy jäne El Täuelsızdıgınıŋ 30 jyldyǧy merekesı qarsaŋynda, Qaraǧandy oblysy Qaraǧandy qalasynyŋ kelesı qūramdas bölıgı: Oktiabr audany – ÄLİHAN BÖKEIHAN atyndaǧy audan bolyp qaita atalsyn dep Qaraǧandy oblysynyŋ äkımdıgı QAULYSY jäne Qaraǧandy oblystyq mäslihaty ŞEŞIMI qabyldandy. ALAŞ aqyry Oktiabrdı jeŋdı! Oktiabr aty öşıp, ÄLİHAN audanyna ainaldy! 9 ai būryn aitqan sözımız de zaŋdy küşıne endı! QŪTTY BOLSYN QAZAQ ELI!!! ALLA ALAŞQA JAR BOLSYN!