شىمكەنت قالاسىندا COVID-19 ينفەكتسياسىنا قارسى رەۆاكتسيناتسيالاۋ جۇمىستارى قولعا الىندى. قازىرگى تاڭدا، 9 اي بۇرىن اتالعان ىندەتكە قارسى ۆاكتسينانىڭ ەكى دەڭگەيىن دە سالدىرعان ازاماتتار مەديتسينالىق ۇيىمداردا قايتا ەكپە سالدىرۋدا.
ەكپەنى قازىرگى تاڭدا مەديتسينالىق قىزمەتكەرلەر، سانيتارلىق-ەپيدەميولوگيالىق قىزمەت ماماندارى، پەداگوگتار، الەۋمەتتىك مەكەمەلەردىڭ قىزمەتكەرلەرى كونتينگەنتى، كۇشتىك قۇرىلىمداردىڭ قىزمەتكەرلەرى جانە ستۋدەنتتەر قابىلداپ جاتىر.
مامانداردىڭ ايتۋىنشا، مۇنان الدىن ەكى كومپونەنتتى سالدىرعان ادامنىڭ اعزاسىندا كوۆيدكە قارسى انتيدەنەلەر قالىپتاسادى. ەكپەدەن كەيىن قالىپتاسقان يممۋنيتەت ارادا بىرنەشە ۋاقىتتاردان كەيىن تومەندەي باستايدى ەكەن. ال رەۆاكتسيناتسيا اعزادا قالىپتاسقان يممۋنيتەتتى قايتا قالپىنا كەلتىرىپ، ينفەكتسيادان قورعانۋ جۇيەسىن ارتتىرادى. سوندىقتان ەكپەنى ءۇشىنشى كەزەڭدە جاسايتىندارعا ءبىر عانا دوزادان ۆاكتسينا سالىنادى.
كوروناۆيرۋستىق ينفەكتسياعا قارسى ۆاكتسينانىڭ ءۇشىنشى كومپونەنتىن العاشقىلاردىڭ ءبىرى بولىپ سالدىرعان قالانىڭ باس سانيتار-دارىگەرى ءا.تولەباەۆ: «ۆاكتسينادان كەيىنگى جاعدايىم بىرقالىپتى. قالا تۇرعىندارىنا ايتارىم، قايتا ەكپە جاساتىڭىزدار. سەبەبى، ءبىز بۇل ىندەتتى ءالى تولىق جەڭىپ شىقان جوقپىز. ىندەتتى جەڭۋدە جاپپاي يممۋنداۋدىڭ ماڭىزى زور ەكەندىگىن تاعى ەسكە سالعىم كەلەدى»، - دەيدى.
COVID-19 ينفەكتسياسىنىڭ تارالۋى بويىنشا شىمكەنت قالاسىندا جاعداي سالىستىرمالى تۇردە تۇراقتى بولىپ تۇر. بۇل تۇراقتىلىقتى ساقتاۋعا قالا تۇرعىندارىنىڭ ۆاكتسينا سالدىرۋى ەداۋىر اسەرىن تيگىزەدى.
بۇگىنگى تاڭدا، قالا بويىنشا جوسپارلانعان 596 205 ەرەسەك تۇرعىنداردىڭ 95,8 پايىزى كوروناۆيرۋستى ينفەكتسياعا قارسى 1-رەتتىك ەگۋدى العان بولسا، 537051 ادام 2-رەتتىك ەگۋىن الىپ، ول 90,1% قۇرادى.
شىمكەنت قالاسىنىڭ اقپاراتتىق - كوممۋنيكاتسيالىق ورتالىعى
