قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي، شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنا قاراستى «SHANYRAQ» ورتالىعىندا «جۇلدىزدى 30 كۇن» اتتى ءىس-شارا جوسپارى اياسىندا دوڭگەلەك ۇستەل ءوتتى. ءىس-شارا تامىرى تەرەڭ كەتكەن، تاريحپەن بىرگە جالعاسىپ كەلە جاتقان رۋحاني بايلىقتارىمىزدىڭ ءبىرى «وتباسى قۇدىلىقتارى» جايلى.
تاۋەلسىزدىك جىلدارىندا وتباسى قۇندىلىقتارىن نىعايتۋ باعىتىندا قىرۋار شارۋا اتقارىلدى. ەلباسىمىز نۇرسۇلتان نازارباەۆتىڭ باسەكەگە قابىلەتتى ۇلت، باقىتتى وتباسى، سانالى دا ءبىلىمدى ۇرپاق قالىپتاستىرۋعا باعىتتالعان سىندارلى ساياساتىنىڭ ءناتيجەسىندە انا مەن بالانى قولداۋ بويىنشا باعدارلامالىق قۇجاتتار، گەندەرلىك تەڭدىكتى ساقتاۋ ستراتەگياسى قابىلدانىپ، مەملەكەتتىك دەڭگەيدەگى وتباسىلىق ساياساتتا تۇتاستاي جۇيە قالىپتاستى. ەلباسى «وتباسى – قازاقستان قوعامىنىڭ ءدىڭگەگى، ەكونوميكاداعى، مادەنيەتتەگى، الەۋمەتتىك ساياساتتاعى بارلىق جاڭا جەتىستىكتەرىنىڭ نەگىزى» دەپ بۇل ماسەلەنىڭ ءبىزدىڭ قوعام ءۇشىن ماڭىزىن كورسەتىپ بەردى.
اتالعان ءىس-شاراعا جۇمىسپەن قامتۋ جانە الەۋمەتتىك قورعاۋ باسقارما باسشىسى ب.ناربەكوۆا، كامەلەتكە تولماعاندار ىستەر جونىندەگى سوت توراعاسى د.سايحانوۆ، اكەلەر كەڭەسىنىڭ توراعاسى ە.وتارباەۆ، ادىلەت دەپارتامەنتى باسشىسىنىڭ ورىنباسارى ا.يسابەكوۆا، قر اسسامبلەياسىنىڭ رەسپۋبليكالىق انالار كەڭەسى مۇشەسى مەن ل.قويشيەۆا قاتىستى.
دوڭگەلەك ۇستەلدە جاھاندىق وزگەرىستەر زامانىندا وتباسى قۇندىلىقتارىن ساقتاپ قالۋ، ونىڭ جاستار ساناسىنداعى بەدەلىن ارتتىرۋ ماسەلەلەرى ايتىلدى.
«Shanyraq» وتباسى ينستيتۋتىن قولداۋ ورتالىعى قالامىزدىڭ از قامتىلعان 10 مىڭنان استام وتباسى مۇشەلەرىنە قولداۋ كورسەتكەن.
قىزمەت الۋشىلارعا 10 باعىت بويىنشا جۇمىس جۇرگىزىلەدى. ماسەلەن، از قامتىلعان وتباسىلارمەن ماسەلەلەرى بويىنشا تىكەلەي جۇمىس، پسيحولوگيالىق قولداۋ كورسەتۋ، قۇقىقتىق جاردەم، ۇكىمەتتىك ەمەس ۇيىمدارمەن بىرلەسكەن جۇمىس، مەدياتسيامەن بىرلەسكەن جۇمىس، ءوز كاسىبىن يگەرۋگە ىقپال ەتۋ، بالالارعا پسيحولوگيالىق قولداۋ كورسەتۋ، جۇمىسپەن قامتىلۋعا جاردەم، دەنساۋلىق ماسەلەلەرى جانە انالار مەن بالالارعا ارنالعان ارنايى كۋرستار.
بۇگىندە جان-جاقتى، بىرلەسكەن جۇمىستاردىڭ ارقاسىندا، ورتالىقتا، ۇيىرمەلەردە كۇندەلىكتى شارالار ۇيىمداستىرىلىپ تۇرادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
