Qazaqstan Respýblıkasy Táýelsizdiginiń 30 jyldyǵyna oraı, Shymkent qalasy jumyspen qamtý jáne áleýmettik qorǵaý basqarmasyna qarasty «SHANYRAQ» ortalyǵynda «Juldyzdy 30 kún» atty is-shara jospary aıasynda dóńgelek ústel ótti. Is-shara tamyry tereń ketken, tarıhpen birge jalǵasyp kele jatqan rýhanı baılyqtarymyzdyń biri «otbasy qudylyqtary» jaıly.
Táýelsizdik jyldarynda otbasy qundylyqtaryn nyǵaıtý baǵytynda qyrýar sharýa atqaryldy. Elbasymyz Nursultan Nazarbaevtyń básekege qabiletti ult, baqytty otbasy, sanaly da bilimdi urpaq qalyptastyrýǵa baǵyttalǵan syndarly saıasatynyń nátıjesinde ana men balany qoldaý boıynsha baǵdarlamalyq qujattar, genderlik teńdikti saqtaý strategııasy qabyldanyp, memlekettik deńgeıdegi otbasylyq saıasatta tutastaı júıe qalyptasty. Elbasy «Otbasy – Qazaqstan qoǵamynyń dińgegi, ekonomıkadaǵy, mádenıettegi, áleýmettik saıasattaǵy barlyq jańa jetistikteriniń negizi» dep bul máseleniń bizdiń qoǵam úshin mańyzyn kórsetip berdi.
Atalǵan is-sharaǵa jumyspen qamtý jáne áleýmettik qorǵaý basqarma basshysy B.Narbekova, kámeletke tolmaǵandar ister jónindegi sot tóraǵasy D.Saıhanov, ákeler keńesiniń tóraǵasy E.Otarbaev, Ádilet departamenti basshysynyń orynbasary A.Isabekova, QR Assambleıasynyń Respýblıkalyq analar keńesi múshesi men L.Qoıshıeva qatysty.
Dóńgelek ústelde jahandyq ózgerister zamanynda otbasy qundylyqtaryn saqtap qalý, onyń jastar sanasyndaǵy bedelin arttyrý máseleleri aıtyldy.
«Shanyraq» otbasy ınstıtýtyn qoldaý ortalyǵy qalamyzdyń az qamtylǵan 10 myńnan astam otbasy múshelerine qoldaý kórsetken.
Qyzmet alýshylarǵa 10 baǵyt boıynsha jumys júrgiziledi. Máselen, az qamtylǵan otbasylarmen máseleleri boıynsha tikeleı jumys, psıhologııalyq qoldaý kórsetý, quqyqtyq járdem, úkimettik emes uıymdarmen birlesken jumys, medıaııamen birlesken jumys, óz kásibin ıgerýge yqpal etý, balalarǵa psıhologııalyq qoldaý kórsetý, jumyspen qamtylýǵa járdem, densaýlyq máseleleri jáne analar men balalarǵa arnalǵan arnaıy kýrstar.
Búginde jan-jaqty, birlesken jumystardyń arqasynda, ortalyqta, úıirmelerde kúndelikti sharalar uıymdastyrylyp turady.
Shymkent qalasynyń Aqparattyq-kommýnıkaııalyq ortalyǵy
