ءال-فارابي اۋدانىندا تۇرعىنداردى اۋىز سۋ، تابيعي گاز جانە ەلەكتر قۋاتىمەن قامتۋ كورسەتكىشى 99,7 پايىزدى قۇرادى.
اۋدانداعى 404 كوشەنىڭ ۇزاقتىعى 282 شاقىرىم جولدىڭ 80 پايىزىنا اسفالت توسەلگەن. بيىل شالعاي ەلدى مەكەندە ورنالاسقان 13 كوشەگە 5,2 شاقىرىم شاعال تاس توسەۋ جۇمىستارى جۇرگىزىلدى. ونىڭ ىشىندە «ساۋلە» شاعىن اۋدانى 195 ورامداعى 8 كوشەگە 3,4 شاقىرىم، اقتاس-2 ەلدى مەكەنىندەگى 5 كوشەگە 1,8 شاقىرىم تاس توسەلدى.
اۋدانداعى 404 كوشەنىڭ 103-ءى جارىقتاندىرىلعان. ال 22 كوشەنى جارىقتاندىرۋ بويىنشا جۇمىستار جۇرگىزىلۋدە. بۇگىندە 6 كوشە (جابايى اتا، جۇلدىز، ءتاجىباي اتا، باياناۋىل، كوكتوبە، داۋلەتۇلى كوشەلەرى) جارىقپەن قامتاماسىز ەتىلدى.
ال بۇقارالىق سپورتتى دامىتۋ ماقساتىندا اعىمداعى جىلى اۋداندا جالپى 31 سپورت الاڭشاسى پايدالانۋعا بەرىلەدى.
سونىمەن قاتار، كەلەسى جىلى «حالىق قاتىساتىن بيۋدجەت» جوباسىنىڭ اياسىندا 50 اۋلادا اباتتاندىرۋ، بالالار ويىن الاڭشالارىن قۇرۋ جانە 10 سپورت الاڭشالارىن ورناتۋ جۇمىستارى جۇرگىزىلەدى. ال 13 سپورت الاڭشاسى قايتا جوندەۋدەن وتەدى.
سونداي-اق، 20 كوشەگە اسفالت توسەۋ بويىنشا ءتيىستى باسقارماعا ۇسىنىس بەرىلدى. دەمەۋشىلەر ەسەبىنەن «اقىلدى ايالداما» سالۋ جانە «اۋىز سۋ بۇرقاعىن» ورناتۋ جۇمىستارى جالعاسىن تابادى.
ايتا كەتەيىك، بيىل اۋداندا 2 «سمارت ايالداما» جانە 7 «اۋىز سۋ بۇرقاعى» پايدالانۋعا بەرىلگەن.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
