Ál-Farabı aýdanynda turǵyndardy aýyz sý, tabıǵı gaz jáne elektr qýatymen qamtý kórsetkishi 99,7 paıyzdy qurady.
Aýdandaǵy 404 kósheniń uzaqtyǵy 282 shaqyrym joldyń 80 paıyzyna asfalt tóselgen. Bıyl shalǵaı eldi mekende ornalasqan 13 kóshege 5,2 shaqyrym shaǵal tas tóseý jumystary júrgizildi. Onyń ishinde «Sáýle» shaǵyn aýdany 195 oramdaǵy 8 kóshege 3,4 shaqyrym, Aqtas-2 eldi mekenindegi 5 kóshege 1,8 shaqyrym tas tóseldi.
Aýdandaǵy 404 kósheniń 103-i jaryqtandyrylǵan. Al 22 kósheni jaryqtandyrý boıynsha jumystar júrgizilýde. Búginde 6 kóshe (Jabaıy ata, Juldyz, Tájibaı ata, Baıanaýyl, Kóktóbe, Dáýletuly kósheleri) jaryqpen qamtamasyz etildi.
Al buqaralyq sportty damytý maqsatynda aǵymdaǵy jyly aýdanda jalpy 31 sport alańshasy paıdalanýǵa beriledi.
Sonymen qatar, kelesi jyly «Halyq qatysatyn bıýdjet» jobasynyń aıasynda 50 aýlada abattandyrý, balalar oıyn alańshalaryn qurý jáne 10 sport alańshalaryn ornatý jumystary júrgiziledi. Al 13 sport alańshasy qaıta jóndeýden ótedi.
Sondaı-aq, 20 kóshege asfalt tóseý boıynsha tıisti basqarmaǵa usynys berildi. Demeýshiler esebinen «Aqyldy aıaldama» salý jáne «Aýyz sý burqaǵyn» ornatý jumystary jalǵasyn tabady.
Aıta keteıik, bıyl aýdanda 2 «Smart aıaldama» jáne 7 «Aýyz sý burqaǵy» paıdalanýǵa berilgen.
Shymkent qalasynyń Aqparattyq-kommýnıkaııalyq ortalyǵy
