شىمكەنت قالاسىندا قر تاۋەلسىزدىگىنىڭ 30 جىلدىعىنا جانە تۇڭعىش پرەزيدەنت كۇنىنە ارنالعان «جۇلدىزدى 30 كۇن» ءىس-شارالارى وتەدى. بۇل 17 قاراشا مەن 17 جەلتوقسان ارالىعىن قامتيدى. جوسپار بويىنشا ءار كۇنگە وزىندىك اتاۋلار بەرىلىپ، اتاۋلارعا سايكەس مەرەكەلىك ءىس-شارالار ۇيىمداستىرىلماق.
جوسپار نەگىزگى 6 باعىتقا ءبولىندى. ولار:
• «ۇلتتىق قۇندىلىقتاردى دامىتۋ باعىتى» - 15 ءىس-شارا;
• «ءبىلىمدى جاستاردى قولداۋ باعىتى» - 13;
• «مادەنيەت سالاسىن دامىتۋ» - 22;
• «كاسىپكەرلىك، تۋريزم جانە تسيفرلاندىرۋ باعىتى» - 8;
• «ازاماتتاردى الەۋمەتتىك قولداۋ باعىتى» - 7;
• «مەرەكەگە وراي اشىلاتىن نىساندار» - 31.
سونىمەن قاتار، ءار كۇننىڭ وزىندىك اتاۋلارىن تاۋەلسىزدىك جىلدارىمەن بايلانىستىرا وتىرىپ، رەسپۋبليكالىق جانە جەرگىلىكتى باق-تا كەڭىنەن ناسيحاتتاۋ جۇرگىزىلەدى.
بۇل تۋرالى بۇگىن وڭىرلىك كوممۋنيكاتسيالىق ورتالىعىندا شىمكەنت قالاسى اكىمىنىڭ ءبىرىنشى ورىنباسارى ش.مۇقان ايتتى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
