شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنا قاراستى «اسىل-جۇرەك» الەۋمەتتىك مەديتسينالىق ورتالىعى 29-شى ماۋسىمنان باستاپ كارانتيندىك تالاپتارعا سايكەس 65 جاسقا دەيىنگى زەينەتكەرلەرگە قىزمەت كورسەتۋدە.
بۇگىندە ورتالىقتا 60-قا جۋىق زەينەتكەر ەم قابىلدىپ جاتىر. ورتالىقتا تۇزدى شاحتامەن ەمدەۋ ءتاسىلى ەنگىزىلدى. قىزمەت الۋشىلار الدىمەن تولىق تەكسەرۋدەن ءوتىپ، قاجەت بولعان جاعدايدا دارىگەردىڭ شەشىمىمەن 5-10 كۇندىك كۋرس رەتىندە تۇزدى شاحتانىڭ كومەگىمەن ەم قابىلدايدى.
اتالمىش ەم ءتۇرى برونح دەمىكپەسى، برونحيت، پنەۆمونيا، لور-پاتولوگياسى (اللەرگيالىق رينيت، سينۋسيتتار، گايموريتتار، ادەنويدتار، فارينگيتتار، تونزيلليتتار), اللەرگيا، تەرى اۋرۋلارى (پسورياز، ەكزەما), ورتالىق نەرۆ جۇيەسى سەكىلدى اۋرۋلاردى ەمدەۋگە جانە الدىن الۋعا باعىتتالعان.
تۇزدى شاحتاداعى ەم قابىلداۋ پايدالى ميكروەلەمەنتتەرمەن باي، اۋانى جۇتۋ جولىمەن جۇزەگە اسىرىلادى. ەمدەلۋ كەزىندەگى ەڭ باستىسى اعزاداعى زات الماسۋ پروتسەسىن قالپىنا كەلتىرەدى. سونىمەن قاتار اعزادان جەدەل تۇردە ۋلى زاتتار شىعىپ، ولار تابيعي، تۇزدىڭ تابيعي تەرىس يوندارىمەن الماسادى.
سونداي-اق تۇزدى شاحتا سترەستى ءتۇسىرۋ ءۇشىن، سوزىلمالى شارشاۋ سيندرومىن ەمدەۋ كەزىندە، نەۆروز، ويلاۋ جانە فيزيكالىق جۇمىسقا قابىلەتتىلىگىن ارتتىرۋ ءۇشىن، ۇيقىنى جاقسارتۋ ءۇشىن كومەكتەسەدى. جۇرەك — قان تامىرلارى اۋرۋلارىنا دا پايدالى.
«بىزگە كەلىپ جۇرگەن زەينەتكەرلەردەن تەك العىس الۋدامىز، ءبىزدىڭ ورتالىققا كەلگەن ءار زەينەتكەر كوڭىل-كۇيلەرى كوتەرىڭكى، دەندەرى ساۋ بولعانىن قالايمىز. شىمكەنت قالاسىنىڭ ءاربىر زەينەتكەرلەرىنە ورتالىعىمىزدىڭ ەسىگى ءاردايىم اشىق. ازىرگە تەك 65 جاسقا دەيىنگى زەينەتكەرلەردى قابىلداپ جاتىرمىز»،- دەدى «اسىل-جۇرەك» الەۋمەتتىك مەديتسينالىق ورتالىعىنىڭ ديرەكتورى ماۋيا الدانازاروۆا.
«ادىرنا» ۇلتتىق پورتالى.
