Shymkent qalasy Jumyspen qamtý jáne áleýmettik qorǵaý basqarmasyna qarasty «Asyl-júrek» áleýmettik medıınalyq ortalyǵy 29-shy maýsymnan bastap karantındik talaptarǵa sáıkes 65 jasqa deıingi zeınetkerlerge qyzmet kórsetýde.
Búginde ortalyqta 60-qa jýyq zeınetker em qabyldyp jatyr. Ortalyqta tuzdy shahtamen emdeý tásili engizildi. Qyzmet alýshylar aldymen tolyq tekserýden ótip, qajet bolǵan jaǵdaıda dárigerdiń sheshimimen 5-10 kúndik kýrs retinde tuzdy shahtanyń kómegimen em qabyldaıdy.
Atalmysh em túri bronh demikpesi, bronhıt, pnevmonııa, LOR-patologııasy (allergııalyq rınıt, sınýsıttar, gaımorıttar, adenoıdtar, farıngıttar, tonzıllıttar), allergııa, teri aýrýlary (psorıaz, ekzema), ortalyq nerv júıesi sekildi aýrýlardy emdeýge jáne aldyn alýǵa baǵyttalǵan.
Tuzdy shahtadaǵy em qabyldaý paıdaly mıkroelementtermen baı, aýany jutý jolymen júzege asyrylady. Emdelý kezindegi eń bastysy aǵzadaǵy zat almasý proesin qalpyna keltiredi. Sonymen qatar aǵzadan jedel túrde ýly zattar shyǵyp, olar tabıǵı, tuzdyń tabıǵı teris ıondarymen almasady.
Sondaı-aq tuzdy shahta stresti túsirý úshin, sozylmaly sharshaý sındromyn emdeý kezinde, nevroz, oılaý jáne fızıkalyq jumysqa qabilettiligin arttyrý úshin, uıqyny jaqsartý úshin kómektesedi. Júrek — qan tamyrlary aýrýlaryna da paıdaly.
«Bizge kelip júrgen zeınetkerlerden tek alǵys alýdamyz, bizdiń ortalyqqa kelgen ár zeınetker kóńil-kúıleri kóterińki, denderi saý bolǵanyn qalaımyz. Shymkent qalasynyń árbir zeınetkerlerine ortalyǵymyzdyń esigi árdaıym ashyq. Ázirge tek 65 jasqa deıingi zeınetkerlerdi qabyldap jatyrmyz»,- dedi «Asyl-júrek» áleýmettik medıınalyq ortalyǵynyń dırektory Maýııa Aldanazarova.
«Adyrna» ulttyq portaly.
