شاھاردا اۋلالار جاڭارتىلىپ، قولايلى ورتا قالىپتاسىپ كەلەدى. ونىڭ ىشىندە «حالىق قاتىساتىن بيۋدجەت» جوباسى تابىستى ىسكە اسۋدا.
بۇگىن ەڭبەكشى اۋدانى اكىمى اپپاراتىنىڭ ۇيىمداستىرۋىمەن سايرام كوشەسىنىڭ بويىندا ورنالاسقان №165 كوپقاباتتى ءۇيدىڭ اۋلاسىن اباتتاندىرۋ نىسانى جانە بالالار ويىن الاڭشاسى اشىلدى.
اشىلۋ سالتاناتىنا ەڭبەكشى اۋداندىق ارداگەرلەر كەڭەسىنىڭ توراعاسى جايشيبەكوۆ زۇلپۋحار سارسەنبايۇلى قاتىسىپ، تۇرعىنداردى قازاقستان رەسپۋبليكاسى تاۋەلسىزدىگىنە 30 جىل مەرەكەسىمەن قۇتتىقتادى.
كوپقاباتتى ۇيلەردىڭ تۇرعىندارى اۋلالارىنىڭ اباتتاندىرىلىپ، بالالار الاڭشالارى بوي كوتەرگەنىنە ريزاشىلىعىن بىلدىرۋدە.
قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي ەڭبەكشى اۋدانىندا 2021 جىلى «حالىق قاتىساتىن بيۋدجەت» جوباسىنىڭ اياسىندا كوپقاباتتى 41 ءۇيدىڭ اۋلالارى اباتتاندىرىلىپ، بالالار ويىن الاڭشالارى جاڭارتىلۋدا.
اۋداندا بۇگىنگى تاڭدا 24 ءۇيدىڭ اۋلاسىندا اباتتاندىرۋ جۇمىستارى اياقتالىپ، تۇرعىنداردىڭ يگىلىگىنە تاپسىرىلدى. ودان بولەك، جىل سوڭىنا دەيىن 17 كوپقاباتتى ۇيلەردىڭ اۋلاسىنداعى اباتتاندىرۋ جۇمىستارى تولىعىمەن اياقتالادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
