Shaharda aýlalar jańartylyp, qolaıly orta qalyptasyp keledi. Onyń ishinde «Halyq qatysatyn bıýdjet» jobasy tabysty iske asýda.
Búgin Eńbekshi aýdany ákimi apparatynyń uıymdastyrýymen Saıram kóshesiniń boıynda ornalasqan №165 kópqabatty úıdiń aýlasyn abattandyrý nysany jáne balalar oıyn alańshasy ashyldy.
Ashylý saltanatyna Eńbekshi aýdandyq ardagerler keńesiniń tóraǵasy Jaıshıbekov Zulpýhar Sarsenbaıuly qatysyp, turǵyndardy Qazaqstan Respýblıkasy Táýelsizdigine 30 jyl merekesimen quttyqtady.
Kópqabatty úılerdiń turǵyndary aýlalarynyń abattandyrylyp, balalar alańshalary boı kótergenine rızashylyǵyn bildirýde.
Qazaqstan Respýblıkasy Táýelsizdiginiń 30 jyldyǵyna oraı Eńbekshi aýdanynda 2021 jyly «Halyq qatysatyn bıýdjet» jobasynyń aıasynda kópqabatty 41 úıdiń aýlalary abattandyrylyp, balalar oıyn alańshalary jańartylýda.
Aýdanda búgingi tańda 24 úıdiń aýlasynda abattandyrý jumystary aıaqtalyp, turǵyndardyń ıgiligine tapsyryldy. Odan bólek, jyl sońyna deıin 17 kópqabatty úılerdiń aýlasyndaǵy abattandyrý jumystary tolyǵymen aıaqtalady.
Shymkent qalasynyń Aqparattyq-kommýnıkaııalyq ortalyǵy
