بۇلدىرشىندەر اراسىندا مۋزىكالىق-شىعارماشىلىق بايقاۋ ءوتتى

1348
Adyrna.kz Telegram

قازاقستان تاۋەلسىزدىگىنىڭ 30 جىلدىعىنا وراي، قاراتاۋ ءداستۇرلى ونەر مەكتەبى مكقك بازاسىندا، دارىن ورتالىعىنىڭ جىلدىق جوسپارىنا سايكەس، مەكتەپكە دەيىنگى ۇيىم تاربيەلەنۋشىلەرى اراسىندا قالالىق «جاس ونەرپاز» مۋزىكالىق شىعارماشىلىق بايقاۋى ءوتتى. بايقاۋعا مەكتەپكە دەيىنگى 31 ۇيىمنان 57 تاربيەلەنۋشى قاتىستى.

بايقاۋدىڭ نەگىزگى ماقساتتارى:
- بالالار بويىنداعى شىعارماشىلىققا دەگەن تالپىنىستى ارتتىرۋ، ولاردىڭ دامۋىنا قولداۋ كورسەتۋ، ءداستۇرلى اندەردى دارىپتەپ، بي ونەرىنىڭ كەڭ اۋقىمدا وربۋىنە ات سالىسۋ;
- وسكەلەڭ ۇرپاققا رۋحاني بايلىعىمىزدى دارىپتەۋ، ۇلتتىق ءتالىم-تاربيەنى جاستاردىڭ بويىنا سىڭىرە وتىرىپ، ەستەتيكالىق سانا-تۇيسىنىگىنىڭ تەرەڭ قالىپتاسۋىنا، ىزگىلىك پەن ادامگەرشىلىككە باۋلۋ;
- ۇلتىمىزدىڭ مادەني ونەر سالاسىنداعى جەتىستىكتەرىن ناسيحاتتاپ، ونىڭ وركەندەۋىنە ىقپال جاساۋ.

شىعارماشىلىق بايقاۋ سوڭىندا «شىمكەنت قالاسىنىڭ دارىن ورتالىعى» ديرەكتورى، پەداگوگيكا عىلىمدارىنىڭ كانديداتى دجەرەنوۆا راۋشان ومارحانقىزى بايقاۋدا العان اسەرىمەن بولىسە وتىرا، قاتىسۋشىلاردى ديپلومدارمەن جانە باعالى سىيلىقتارمەن ماراپاتتادى.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر