Qazaqstan Táýelsizdiginiń 30 jyldyǵyna oraı, Qarataý dástúrli óner mektebi MKQK bazasynda, Daryn ortalyǵynyń jyldyq josparyna sáıkes, mektepke deıingi uıym tárbıelenýshileri arasynda qalalyq «Jas ónerpaz» mýzykalyq shyǵarmashylyq baıqaýy ótti. Baıqaýǵa mektepke deıingi 31 uıymnan 57 tárbıelenýshi qatysty.
Baıqaýdyń negizgi maqsattary:
- balalar boıyndaǵy shyǵarmashylyqqa degen talpynysty arttyrý, olardyń damýyna qoldaý kórsetý, dástúrli ánderdi dáriptep, bı óneriniń keń aýqymda órbýine at salysý;
- óskeleń urpaqqa rýhanı baılyǵymyzdy dáripteý, ulttyq tálim-tárbıeni jastardyń boıyna sińire otyryp, estetıkalyq sana-túısiniginiń tereń qalyptasýyna, izgilik pen adamgershilikke baýlý;
- ultymyzdyń mádenı óner salasyndaǵy jetistikterin nasıhattap, onyń órkendeýine yqpal jasaý.
Shyǵarmashylyq baıqaý sońynda «Shymkent qalasynyń Daryn ortalyǵy» dırektory, pedagogıka ǵylymdarynyń kandıdaty Djerenova Raýshan Omarhanqyzy baıqaýda alǵan áserimen bólise otyra, qatysýshylardy dıplomdarmen jáne baǵaly syılyqtarmen marapattady.
Shymkent qalasynyń Aqparattyq-kommýnıkaııalyq ortalyǵy
