اباي اۋدانىنا قاراستى جاڭاتالاپ ەلدىمەكەنىندە اۋىز سۋ ماسەلەسى شەشىمىن تاپتى. قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ مالىمەتىنشە، اتالعان ەلدىمەكەندەگى اۋىز سۋمەن قامتۋ نىسانىنىڭ قۇرىلىسى مەردىگەر مەكەمە «سمكيج-7» تاراپىنان جۇرگىزىلگەن.
بۇگىنگە دەيىن نىساننىڭ قۇرىلىس جۇمىستار اياقتالعان. قالادان شالعايدا ورنالاسقان ەلدىمەكەندە بارلىعى 1700 ءۇي بار. قازىرگى ۋاقىتتا 1000 ۇيگە سۋ ەسەپتەگىش قۇرالدارى ورناتىلىپ، تۇرعىندارعا سۋ بەرۋ جۇمىسى جۇرگىزىلۋدە.
ايتا كەتەيىك، بيىل مەگاپوليس تۇرعىندارىن ساپالى اۋىز سۋمەن قامتۋ ماقساتىندا بارلىعى 14 نىساننىڭ قۇرىلىسى باستالدى. جىل سوڭىنا دەيىن 9 ەلدىمەكەندەگى اۋىز سۋ ماسەلەسى شەشىلىپ، كورسەتكىش 95,6% -دان 98 %-عا وسەتىن بولادى.
